अजमेरमधील एका पोलीस हवालदाराविरोधात एका महिलेने बलात्काराचा आरोप केला आहे. लग्नाचे आमिष दाखवून या पोलीस हवालदाराने आपल्यासोबत लिव्ह इनमध्ये राहिला, त्यानंतर या महिलेने बलात्कार आरोप केला आहे. त्याच्यापासून गर्भवती राहिल्यानंतर, त्याने दोन वेळा गर्भपात करायला लावल्याचेही या महिलेने धक्कादायक खुलासा केला आहे.
त्याच्यासमोर तिने लग्नाचे नाव घेतले की पोलीस मारहाण करत असे किंवा जिवे मारण्याची धमकी देत असल्याचा आरोपही या महिलेने केला आहे. या पोलिसाच्या या वागणुकीला कंटाळून अखेरीस या महिलेने पोलीस ठाण्यात त्याच्याविरोधात तक्रार नोंदवली आहे. अजमेरमध्ये तैनात असलेल्या हवालदार रिंकूसोबत काही महिन्यांपूर्वी फेसबुकवर मैत्री झाल्याचे या महिलेने तक्रारीत लिहिले आहे. दोघांचे बोलणे सुरु झाल्यानंतर त्याने जबरदस्तीने तिला अजमेरला बोलावून घेतले. त्यानंतर सात महिने हे दोघेही लिव्ह इनमध्ये राहत होते. प्रत्येकवेळी तो लग्नाचे आमिष दाखवून तिच्यावर बलात्कार करीत होता. दोन वेळा ती गर्भवती राहिल्याचा तिचा दावा असून त्याने तिचा गर्भपात घडवून आणल्याचे तिने तक्रारीत लिहिले आहे.
लग्नाचा तगादा लावला असता हा पोलीस हवालदार तिला मारहाण करीत असे. तसेच त्यांचे काही खासगी फोटो आणि व्हिडिओ व्हायरल करण्याच्या धमक्याही तो देत असे. अखेरीस या सर्व जाचाला कंटाळून या महिलेने पोलीस ठाण्यात आव घेतली आहे.