MBA चं स्वप्न मोडलं, घराबाहेर जाण्यावर लावली बंदी; सोनम रघुवंशीची अशी होती 'सीक्रेट लाइफ'

Raja-Sonam Raghuvanshi Case: या प्रकरणी तपास जसजसा पुढे जात आहे तसे हैराण करणारे खुलासे समोर येत आहेत.

इंदूर - हनीमून कांडमुळे देशभरात सध्या सोनम रघुवंशी हिची चर्चा सुरू आहे. कधीकाळी सोनम MBA चं पूर्ण करण्याचं स्वप्न पाहत होती मात्र आता लग्नाच्या काही दिवसांनीच सोनमवर तिचा पती राजाची हत्या करण्याचा आरोप आहे. या षडयंत्रात सोनमला राज कुशवाह नावाच्या तिच्या कथित प्रियकराने मदत केली. राज कुशवाह प्लायवूड व्यवसायात बिलिंग आणि अकाऊंटचे काम पाहत होता. मेघालयला राजासोबत गेलेला त्याचा मोठा भाऊ विपिनला गोंविंद आणि राज यांच्यात सातत्याने होणाऱ्या बोलण्यावर संशय होता. 

राजनं पडद्यामागे राहून संपूर्ण योजना आखली. त्याने त्याच्या ३ मित्रांना राजाची हत्या करण्यासाठी मेघालयला पाठवले. राजने आमचा विश्वासघात केला असं सोनमच्या कुटुंबाचे म्हणणं आहे. सोनम रघुवंशीने तिची पदवी पूर्ण केली होती आणि पुढील शिक्षणाची तयारी करत होती. परंतु कुटुंबाने तिला घराबाहेर जाण्यास मनाई केली. त्यामुळे सोनमने तिचा भाऊ गोविंदसह प्लायवूड व्यवसायत कुटुंबाला मदत करू लागली आणि इथेच तिची ओळख राज कुशवाहसोबत झाली.

सोनमचा पती राजाची हत्या करण्याचा कट राज कुशवाहने रचल्याचा आरोप आहे. राज सोनमच्या कुटुंबाच्या व्यवसायात बिलिंग आणि अकाऊंटचे काम पाहत होता. राज शांत स्वभावाचा दिसत असल्याने त्याच्या चेहऱ्यामागील भयंकर हेतू कुणालाही कळला नाही. राजाचा मोठा भाऊ विपिनही सोनमचा भाऊ गोविंदसोबत मेघालयला गेला होता. विपिनला गोविंद आणि राज यांच्यात सातत्याने होणाऱ्या बोलण्यावरून संशय आला होता. विपिन म्हणाला की, गोविंद सतत मी सगळं तुझ्यावर सोडले आहे असं बोलत होता. मी शिलांगला असेपर्यंत व्यवसाय सांभाळून घे. परंतु राज हत्याकांडात सहभागी आहे असं गोविंदलाही वाटले नाही असं त्याने सांगितले.

२ दिवसापूर्वीच सोनमच्या कुटुंबाला भेटला राज

दरम्यान, हे प्रकरण जेव्हा समोर आले तेव्हा राज कुशवाह सोनमच्या कुटुंबाला भेटायलाही गेला होता हे आता समोर आले. तो सगळ्यांशी असा बोलला जसे काही झालेच नाही. तो आला, सगळ्यांशी बोलला. तो सोनमसोबत यात सहभागी आहे याचा आम्हाला अंदाज आला नाही असं सोनमचे वडील देवी सिंह यांनी म्हटलं. राजने पाठीमागे राहून हा संपूर्ण डाव रचला. त्याने आकाश राजपूत, विशाल चौहान आणि आनंद कुर्मी या ३ मित्रांना मेघालयात राजची हत्या करण्यासाठी पाठवले. राज स्वत: इथेच थांबला आणि त्याने सर्व नियंत्रित केले असं तपासात समोर आले आहे.

लग्नासाठी दिला होता होकार

या प्रकरणी तपास जसजसा पुढे जात आहे तसे हैराण करणारे खुलासे समोर येत आहेत. राजा रघुवंशीसोबत लग्न करण्यासाठी सोनमने आनंदाने होकार दिला. जेव्हा आम्ही घरात लग्नाचा विषय काढला तेव्हा मी स्पष्ट तिला विचारले, तू दुसऱ्या कुणाला पसंत करतेय का तर तिने नाही सांगितले आणि तुम्ही ज्याला निवडाल त्याच्याशी लग्न करेन अशी ग्वाही सोनमने वडिलांना दिली होती हे समोर आले आहे.