सलाईनच्या बाटलीत सायनाईड टाकलं! पतीनं पत्नीला जीवे मारलं; महिन्याभरानं पोलिसांना कळलं

Husband kills wife :अंकलेश्वर शहर पोलीस ठाण्याच्या एका अधिकाऱ्याने सांगितले की, वैवाहिक कलहामुळे आरोपीने हा गुन्हा केला.

ठळक मुद्देपोलिसांनी सांगितले की, उर्मिला वसावा (३४) यांच्या छातीत दुखू लागल्याने त्यांना उपचारासाठी रुग्णालयात दाखल करण्यात आले होते. परंतु उपचारादरम्यान तिचा मृत्यू झाला.

भरुच (गुजरात) - गुजरातपोलिसांनी खळबळजनक खून प्रकरणाचा खुलासा केला आहे. महिनाभरापूर्वी गुजरातच्या अंकलेश्वर येथील एका खासगी रुग्णालयात एका व्यक्तीने आपल्या पत्नीची निर्घृण हत्या केली. आरोपीने त्याच्या पत्नीला तिच्या सलाईनच्या बाटलीत सायनाईड द्रव्य टाकून मारले. पोलिसांनी रविवारी आरोपीला अटक केली. अंकलेश्वर शहर पोलीस ठाण्याच्या एका अधिकाऱ्याने सांगितले की, वैवाहिक कलहामुळे आरोपीने हा गुन्हा केला.

पोलिसांनी सांगितले की, उर्मिला वसावा (३४) यांच्या छातीत दुखू लागल्याने त्यांना उपचारासाठी रुग्णालयात दाखल करण्यात आले होते. परंतु उपचारादरम्यान तिचा मृत्यू झाला. शुक्रवारी फॉरेन्सिक अहवाल समोर आल्यानंतर खळबळजनक खून प्रकरण उघडकीस आले. फॉरेन्सिक अहवालातून सिद्ध झाले की, वसावा यांचा मृत्यू सायनाइडमुळे झाला. अंकलेश्वर येथील एका कारखान्यात काम करणाऱ्या जिग्नेश पटेल याने पत्नी वसावाला इंजेक्शनमधून विष दिले. 

धर्मांतर प्रकरणाशी आर्थिक संबंध असल्याचा संशय; उत्तर प्रदेश एटीएसने पुसदच्या डॉक्टरला घेतले ताब्यातhttps://t.co/X2PHZHfXG0

— Lokmat (@MiLOKMAT) August 9, 2021

आरोपी पतीला अटक
सायनाइड दिल्यानंतर महिलेचा मृत्यू झाला आणि त्यावेळी अपघाती मृत्यूची नोंद करण्यात आली, असे पोलीस अधिकाऱ्याने सांगितले. या महिलेला ८ जुलै रोजी उपचारासाठी रुग्णालयात दाखल करण्यात आले होते. रुग्णालयाचे डॉक्टर आणि कर्मचारी उपस्थित नसताना ही घटना घडली. फॉरेन्सिक सायन्स लॅबोरेटरी (FSL) कडून अहवाल प्राप्त झाल्यानंतर पोलिसांनी पटेलविरोधात भारतीय दंड संहितेच्या कलम 302 अन्वये गुन्हा दाखल केला आणि त्याला अटक केली, असे अधिकाऱ्याने सांगितले.

खळबळजनक! युवा अकाली दलाचे नेता ​​विक्की मिड्दुखेड़ा यांची भरदिवसा गोळ्या झाडून हत्याhttps://t.co/13cDSgJcAK

— Lokmat (@MiLOKMAT) August 9, 2021