नवी मुंबई - ड्युटी संपून घरी जाणाऱ्या पोलिसाचाअपघात झाल्याची घटना सायन पनवेल मार्गावर शिरवणे लगत घडली आहे. यामध्ये पोलीस हवालदार गंभीर जखमी झाले असून त्यांना सीबीडीच्या एमजीएम रुग्णालयात उपचारासाठी दाखल करण्यात आले आहे.सानपाडा पोलिस ठाण्यात कार्यरत असलेले पोलीस हवालदार चव्हाण यांच्यासोबत हा अपघात घडला आहे. सोमवारी रात्री 10 वाजण्याच्या सुमारास ते ड्युटी संपल्या नंतर मोटारसायकलवरून सीबीडी येथील पोलीस कॉलनीतील घरी चालले होते. दरम्यान त्यांची मोटरसायकल शिरवणे लगत आली असता त्यांच्या मोटारसायकलचा अपघात झाला. यामध्ये ते गंभीर जखमी झाले आहेत. अपघातानंतर त्यांना जखमी अवस्थेत सीबीडी येथील एमजीएम रुग्णालयात उपचारासाठी दाखल करण्यात आले आहे. परंतु त्यांचा अपघात नेमका झाला कसा याचा उलगडा होऊ शकलेला नाही. परंतु अपघातामध्ये गंभीर दुखापत झाल्याने त्यांची प्रकृती चिंताजनक आहे.
Coronavirus : लॉकडाऊनच्या काळात सायबर क्राईमविरोधात कारवाई सुरूच, ३९५ गुन्हे दाखल