पोलिसांनी पत्नीची गळा चिरून हत्या करणाऱ्या पतीला केली अटक   

आरोपी पतीसोबत रिताचे नेहमी पैसे देण्यावरून वादविवाद होत असत. याकारणावरून त्यांच्या खटके उडाले आणि ही हत्या झाली

ठळक मुद्देवडाळा टी. टी. पोलिसांनी भा. दं. वि. कलम ३०२, ५०४, ५०६ आणि महाराष्ट्र पोलीस कातडं कलम ३७ (१) (३) अन्वये गुन्हा दाखल करून आरोपीला अटक केली.  आरोपीने दुसऱ्या पत्नीची हत्या केली असून मृत पत्नीचे नाव रिता जैस्वार असं आहे.

मुंबई - वडाळ्यातील संगम नगर परिसरात गेल्या शनिवारी दुपारी एक धक्कादायक घटना घडली होती. संगम नगर येथील झोपडपट्टीत पतीने पत्नीची गळा चिरून हत्या केली होती. त्यानंतर फरार असलेल्या आरोपी पाटील वडाळा टी. टी. पोलिसांनी नवी दिल्ली येथून अटक केली आहे. अटक आरोपी पतीचे नाव फझुल रहेमान कुरेशी उर्फ कप्तान कुरेशी असं आहे. आरोपीने दुसऱ्या पत्नीची हत्या केली असून मृत पत्नीचे नाव रिता जैस्वार असं आहे. आरोपी पतीसोबत रिताचे नेहमी पैसे देण्यावरून वादविवाद होत असत. याकारणावरून त्यांच्या खटके उडाले आणि ही हत्या झाली अशी माहिती वडाळा टी. टी. पोलीस ठाण्याचे वरिष्ठ पोलीस निरीक्षक राजेंद्र शेळके यांनी लोकमतशी बोलताना सांगितले.  

रिता हिचे पतीसोबत नेहमी पैसे देण्याच्या कारणावरून वादविवाद होत असत. त्यामुळे रिता वडाळा येथे आपल्या आईकडे राहण्यास आली होती. फझुल हा दुसरी पत्नी रितासोबत दिवा येथे राहत होती. तर फझुलची पहिली पत्नी विक्रोळी येथे दोन मुलांसह राहते. वादविवादानंतर फझुल हा वडाळा येथे रिताकडे आला आणि तिचा गळा कापून हत्या करून फरार झाला होता. हत्या करून फझुलने विक्रोळी, मुंब्रा आणि नंतर दिल्ली गाठली. आरोपीचे नातेवाईक दिल्ली आणि उत्तर प्रदेशात राहत असून त्यांच्याकडून पोलिसांनी इत्यंभूत माहिती घेऊन आरोपीचा पाठलाग करून दिल्लीतील चांदबाग भजनपुरा येथून फझुलला अटक करण्यात आली. वडाळा टी. टी. पोलिसांनी भा. दं. वि. कलम ३०२, ५०४, ५०६ आणि महाराष्ट्र पोलीस कातडं कलम ३७ (१) (३) अन्वये गुन्हा दाखल करून आरोपीला अटक केली.  

मुंबई - वडाळा टी. टी पोलिसांनी पत्नीची गळा चिरून हत्या करणारा आरोपी पती अटक https://t.co/fUWIufX59Y

— Lokmat (@MiLOKMAT) April 25, 2019