नागपूर : रात्रीच्या वेळी मित्रासोबत निर्जन ठिकाणी बसलेल्या एका युवतीवर तिघांनी बलात्कार केला. तिच्या मित्राला मारहाणही केली. एमआयडीसी पोलिस ठाण्याच्या हद्दीत इसासनी भागात गुरुवारी रात्री ही घटना घडली.
तक्रार देणारी मुलगी पुढच्या महिन्यात अठरा वर्षांची होणार आहे. तिच्या घरची परिस्थिती जेमतेम आहे. त्यामुळे ती बराच वेळ तिच्या मित्रासोबत राहते. गुरुवारी रात्री ८ वाजताच्या सुमारास ती इसासानी भागात मित्रासोबत बसून असताना त्याच भागात राहणारे तीन आरोपी तेथे आले. त्यांनी युवतीच्या मित्राला मारहाण करून तिच्यावर आळीपाळीने सामूहिक बलात्कार केला. त्यानंतर आरोपी पळून गेले. हा प्रकार तिच्या मित्राने एका स्थानिक नेत्याच्या घरी जाऊन कथन केला. त्यानंतर एमआयडीसी पोलिसांना फोन करून माहिती दिली. सामूहिक बलात्काराची घटना माहित पडताच एमआयडीसी पोलीस, गुन्हे शाखेचा ताफा तसेच सर्वच वरिष्ठ पोलीस अधिकाऱ्यांनी घटनास्थळी धाव घेतली. अतिरिक्त आयुक्त नविनचंद्र रेड्डी, पोलीस आयुक्त अमितेशकुमार हेसुद्धा रात्री एमाडिसीत पोहोचले. त्यांनी पीडित युवती तसेच फोन वरून माहिती देणारा तीचा मित्र या दोघांना स्वतंत्र विचारपूस केली. त्यातून पुन्हा नवीन माहिती पुढे आली. पोलिसांकडे फोन करणारा युवतीचा मित्र तीन दिवसांपासून वेगवेगळ्या तरुणांकडून पैसे घेऊन घेऊन तिला शरीरसंबंधासाठी त्यांच्याकडे पाठवीत होता, असेही पुढे आले. त्यामुळे या प्रकरणाचे गांभीर्य जास्तच वाढले. युवतीचे प्रकृती चांगलीपोलिसांनी युवतीची वैद्यकीय तपासणी करून घेतली. तिची प्रकृती चांगली असल्याचा अहवाल डॉक्टरांनी दिल्यामुळे तिला तिच्या आईच्या स्वाधीन करण्यात आले. तत्पूर्वी तिची तक्रार नोंदवून घेत पोलिसांनी पोक्सो कायद्यानुसार सामूहिक बलात्काराचा गुन्हा दाखल केला. त्यात त्या तीन आरोपींना अटक केली तर पैशाच्या आमिषाने तिच्याकडून देहविक्रय करून घेणारा तिच्या मित्राविरुद्ध पिटा कायद्यानुसार गुन्हा दाखल करून पोलिसांनी त्यालाही या प्रकरणात अटक केली. आणखी तिघांचा शोध गेल्या तीन दिवसांपासून वेगवेगळ्या तिघांशी युवतीचे शरीर संबंध आले आहे. त्यामुळे पोलिसांनी त्यांना सुद्धा बलात्काराचे आरोपी बनविले असून त्यांचा शोध घेतला जात आहे.