Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

बंगळुरू : कर्नाटकातील विरोधी पक्षनेते सिद्धरामय्या , माजी मुख्यमंत्री कुमारस्वामी आणि प्रसिद्ध पुरोगामी साहित्यिक के. वीरभद्रप्पा यांच्यासह 64 जणांना जीवे मारण्याची धमकी देणारे मेसेज आले आहेत. हे मेसेज सध्या सोशल मीडियावर व्हायरल होत आहेत. दरम्यान, हे प्रकरण गांभीर्याने घेत पोलीस विभागाने बंदोबस्त कडेकोट करण्याचा विचार केला आहे.कर्नाटकात सोशल मीडियावर व्हायरल होत असलेल्या या मेसेजमध्ये म्हटले आहे की, "तुमच्या अवतीभोवती मृत्यू लपला आहे, मरण्यासाठी तयार राहा. तुम्ही विनाशाच्या वाटेत आहात. मृत्यू तुमच्या अगदी जवळ आहे. तुम्ही तयार राहा. मृत्यू तुम्हाला कोणत्याही रूपात मारू शकतो. तुमच्या कुटुंबातील सदस्यांना कळवा आणि तुमच्या अंत्यसंस्काराची व्यवस्था करा". दरम्यान, मेसेज पाठवणाऱ्या अज्ञातांनी स्वत:ला सहिष्णू हिंदू असल्याचे म्हटले आहे. धमक्यांना हलक्यात घेऊ नका - एचडी कुमारस्वामी माजी मुख्यमंत्री एचडी कुमारस्वामी यांनी सरकारला अशा प्रकारच्या धमक्यांना हलक्यात घेऊ नका, असा इशारा दिला आहे. तसेच, सत्ताधारी भाजपावर निशाणा साधत पुरोगामी विचारवंत व लेखक के. वीरभद्रप्पा आणि राज्यातील जातीय ध्रुवीकरणावर सरकारच्या मौनाचा निषेध करणाऱ्या इतर लेखकांना सुरक्षा पुरवण्याचे आवाहन एचडी कुमारस्वामी यांनी केले आहे. राज्याच्या विकासाने चिंता निर्माण केली - कार्यकर्ताराज्याच्या विकासाने चिंता निर्माण केली असल्याचे कार्यकर्ते आणि लेखक प्रा. एम.एम यांनी म्हटले आहे. न्यायालयाच्या निर्णयाविरोधात हिजाबचा वाद आणि मुस्लिम संघटनांनी केलेल्या निदर्शनानंतर हिंदू संघटनांनी मंदिरांमध्ये मुस्लिम व्यापारी, मुस्लिम मूर्तिकार, सामान्य व्यापारी आणि अगदी वाहनचालक आणि वाहतूक कंपन्यांनी बनवलेल्या मूर्तींवर बंदी घालण्याची विनंती केली. दरम्यान, या घडामोडींसाठी विरोधी पक्ष काँग्रेस आणि जेडी(एस) यांनी सत्ताधारी भाजपला जबाबदार धरले आहे. तसेच, समाजात अशांतता निर्माण करण्यासाठी हिंदू संघटनांना मदत आणि प्रोत्साहन देत असल्याचा आरोप केला आहे.

Crime (Marathi News)

नशेतील तीन अल्पवयीन मुले पोलिसांच्या ताब्यात ...

या कॅरेटचे वजन कमी असतानाही वाहनाचे टायर दबून असल्याचे दिसून आले. त्यामुळे पोलिसांचा संशय बळावला. ...

खोलीतील दृश्य पाहून कुटुंबातील सदस्यांना मोठा धक्का बसला. धनंजयचा मृतदेह पंख्याला लटकलेल्या अवस्थेत आढळला. ...

विमानतळ पोलीस स्टेशनच्या हद्दीतूनही असाच प्रकार उघडकीस आलाय... ...