Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

अयोध्येतून एक धक्कादायक फसवणुकीचे प्रकरण समोर आले आहे. खजुरहट येथील एका तरुणाने इन्स्टाग्रामवर मुस्लिम तरुणी बनून गुजरातच्या एका मुस्लिम तरुणाला आपल्या प्रेमाच्या जाळ्यात अडकवले. त्याने अनेक महिने त्या तरुणाशी तरुणीच्या रूपात बोलून मैत्री केली.अशी सुरू झाली फसवणूकअयोध्येतील मनीष नावाच्या या तरुणाने स्वतःला एका दुःखी आणि सतत पतीचा मार खाणारी एक पत्नी असल्याचे भासवून गुजरातच्या तरुणासोबत मैत्री केली. आपण नेहमी पतीकडून मार खातो, असे सांगून त्याने सहानुभूती मिळवली. मनीषला मुलींसारखा आवाज काढता येत असल्यामुळे फोनवर बोलताना त्याने कधीही आपली खरी ओळख उघड होऊ दिली नाही. या संभाषणादरम्यान, त्याने गुजरातच्या तरुणाकडून ४०-४० हजार रुपयांच्या हप्त्यांमध्ये एकूण १ लाख ४० हजार रुपये उकळले.बनावट प्रेयसीची खरी ओळख उघडअनेक महिने मनीषला या तरुणापासून सुटका हवी होती. एकदा त्या तरुणाने अयोध्येला येऊन भेटण्याची इच्छा व्यक्त केली. तेव्हा मनीष त्याला भेटण्यासाठी बुरखा घालून गेला. दोघांनी गुजरातेत जाऊन लग्न करण्याचे ठरवले. मनीष बुरखा घालूनच त्याच्या कुटुंबाला भेटायला गेला. त्यानंतर मनीष गुजरातला जाण्यासाठी त्या तरुणासोबत निघाला.लखनऊ रेल्वे स्टेशनवर पोहोचल्यावर जीआरपीला एका संशयित बुरखा घातलेल्या व्यक्तीचा शोध होता. त्यांनी मनीषला पकडले. महिला पोलिसांनी चौकशी करताना बुरखा काढायला सांगितल्यावर मनीषने बुरखा काढला आणि त्याचे खरे रूप समोर आले. पोलिसांनी त्याची चौकशी केली असता, मनीषने त्याला सोडून देण्याची विनंती करत पोलिसांचे पाय धरले.ट्रेनमध्ये उघड झाले सत्यट्रेन प्रवासादरम्यान मनीषने बुरख्यातून पाणी किंवा जेवण घेतले नाही. पण जसजसे ते जवळ आले, तसतसे गुजरातच्या तरुणाला बुरख्याच्या आत काय आहे, याचा संशय आला आणि त्याला सत्य कळले. यावर दोघांमध्ये जोरदार वाद झाला. अखेर, पैसे परत करण्याच्या अटीवर दोघांनी एकत्र राहण्याचे ठरवले आणि मनीष त्या तरुणासोबत गुजरातला गेला. तिथे त्याने एका कामाला सुरुवात केली.कुटुंबाने केली पोलिसांत तक्रारइथे अयोध्येतील मनीषच्या कुटुंबीयांनी पोलिसांकडे तक्रार दाखल केली. त्यांच्या तक्रारीत असे लिहिले होते की, “माझ्या भावाचे गुजरातमध्ये अपहरण झाले असून अपहरणकर्ता मुस्लिम तरुण आहे. तो अडीच लाख रुपयांची मागणी करत आहे आणि पैसे न दिल्यास किडनी काढण्याची धमकी देत आहे.”पोलिसांनी उघड केला संपूर्ण प्रकारतक्रार मिळाल्यानंतर अयोध्या पोलिसांनी तातडीने तपास सुरू केला. दोन वेगवेगळ्या समुदायांचा मामला असल्यामुळे पोलिसांनी हे प्रकरण गांभीर्याने घेतले. एसपी डॉ. गौरव ग्रोवर यांच्या निर्देशानुसार एक टीम तयार करण्यात आली. या टीमने गुजरात पोलिसांशी संपर्क साधला आणि त्यांच्या मदतीने मनीषचा शोध घेतला.तासनतास चौकशी केल्यानंतर संपूर्ण सत्य समोर आले आणि पोलिसही चकित झाले. दोन्ही बाजूंनी पैशांची परतफेड झाल्यावर सामोपचार झाले. त्यांनी पोलिस कारवाई न करण्याची विनंती केली. अशा प्रकारे उत्तर प्रदेश पोलिसांच्या जलद कारवाईमुळे या बनावट प्रेमकथेचा पर्दाफाश झाला.

Crime (Marathi News)

आपल्या पतीचे त्याच्याच मावशीसोबत असलेल्या अनैतिक संबंधांना कंटाळून नवविवाहितेने टोकाचे पाऊल उचलले. ...

पोलिसांकडून आरोपीला तत्काळ अटक ...

चित्ते पिंपळगावात संतापजनक घटना, दोघांवर गुन्हा दाखल, आरोपींच्या अटकेसाठी कुटुंब आक्रमक ...

Uttar Pradesh Crime: महिलेने इंस्टाग्रामवर एडीट केलेले फोटो टाकले; तरुण प्रेमात पडला..! ...

सीबीआयने भारतीय विमानतळ प्राधिकरणाच्या मॅनेजरला कोट्यवधींचा घोटाळा केल्याप्रकरणी अटक केली. ...

पोलिसाला फरफटत नेणाऱ्या कार चालकाविरोधात गुन्हा दाखल, पोलीस कर्मचारी गंभीर जखमी ...