नागिन २ मधील अभिनेत्री चाहत पांडेला अटक; मामाच्या घरामध्ये केला 'तमाशा'

दमोह जिल्ह्यातीन कोतवाली पोलिसांनी चाहत पांडेसह तिची आई आणि अल्पवयीन दोन भावांवर मारहाणीचा गुन्हा दाखल केला आहे. चाहतच्या आईने आठवड्याभरापूर्वी भावाच्या घरी जाऊन शिवीगाळ करत धमकी दिली होती.

दमोह : नागिन 2 , सावधान इंडियासारख्या टीव्ही सिरिअलमध्ये काम केलेली टीव्ही कलाकार चाहतमणि पांडेसह (tv actress chahat pandey arrested) तिच्या आईला मध्य प्रदेशपोलिसांनीअटक केली आहे. कौटुंबिक हिंसेचा आरोप त्यांच्यावर लावण्यात आला आहे. मामाच्या घरामध्ये घुसून तोडफोड आणि मारहाण केली आहे. दमोह पोलिसांनी दोघांना न्यायालयात हजर केले असता त्यांना कोठडीमध्ये पाठविण्यात आले आहे. 

दमोह जिल्ह्यातीन कोतवाली पोलिसांनी चाहत पांडेसह तिची आई आणि अल्पवयीन दोन भावांवर मारहाणीचा गुन्हा दाखल केला आहे. चाहतच्या आईने आठवड्याभरापूर्वी भावाच्या घरी जाऊन शिवीगाळ करत धमकी दिली होती. यानंतर पोलिसांनी तिच्यावर गुन्हा दाखल केला होता. यानंतर चाहत आणि तिची आई फरार झाले होते. मंगळवारी रात्री पुन्हा चाहत आणि तिच्या आईसह दोन भावांनी मामाच्या घरात घुसखोरी केली. बुधवारी पोलिसांनी दोघांना अटक केली. 

पोलिसांनुसार ही घटना मंगवारी रात्रीची आहे, अभिनेत्री चाहत पांडे आणि तिची आई व दोन भावांनी मामा तनुश पराशर यांच्या घरात घुसून मामासह मामीला शिवीगाळ करण्यास सुरुवात केली. याचबरोबर तोडफोड केली. चाहतने सीसीटीव्ही कॅमेराही फोडला. मात्र, ही घटना मामाने मोबाईल कॅमेरामध्ये कैद केली आहे. पोलिसांनी हा पुरावा दिल्यानंतर दोघांना अटक करण्यात आली आहे. 

काय आहे वाद?चाहत पांडेच्या मामाला अपत्य नाही. यामुळे त्यांनी एका मुलाला दत्तक घेतले आहे. चाहतच्या आईला तिच्याच मुलाला दत्तक घ्यावे असे वाटत आहे. यामुळे ती भावावर दबाव टाकत होती. मात्र, भावाने दुसराच मुलगा दत्तक घेतल्याने तिने धमक्या देण्यास सुरुवात केली होती. कारण दुसऱ्या मुलाला दत्तक घेतल्यावर भावाची सारी मालमत्ता त्याची होणार आहे. 

कोण आहे चाहत पांडे?चाहत पांडे ही टीव्ही कलाकार आहे. तिने तेनालीराम, राधाकृष्ण, सावधान इंडिया आणि नागिन २ या प्रसिद्ध सिरिअलमध्ये काम केले आहे. लॉकडाऊनमुळे ती दमोहच्या घरी गेली आहे. काही दिवसांपूर्वी चाहत तिचा मित्र हीर चोप्रासोबतच्या वादामुळे चर्चेत आली होती. 

अन्य महत्वाच्या बातम्या...

काँग्रेसचे नाराज मंत्री आज मुख्यमंत्र्यांना भेटणार; खदखद व्यक्त करणार

India China Face Off: ओप्पोने घेतला 'बायकॉट'चा धसका; Find X2 चे लाईव्ह लाँचिंगच केले रद्द

India China Face Off: चीनच्या वर्मावरच बोट; केंद्र सरकार टेलिकॉम उपकरणांचे मोठे कंत्राट रद्द करणार

यंदा मला जिंकवा! डोनाल्ड ट्रम्प यांनी मागितली चीनकडे मदत

Sushant Singh Rajput Suicide: सलमान खान, करण जोहरसह ८ जणांविरोधात न्यायालयात तक्रार दाखल

घरातच काढलेत! हे भन्नाट फोटो पहाल तर चक्कर येऊन पडाल