लग्न म्हटलं की, देशाच्या वेगवेगळ्या भागात वेगवेगळे रितीरिवाज असतात. यातील एक रिवाज म्हणजे नवरीचा चेहऱ्या बघण्याचा. यात काही महिलांना बोलवून हा विशेष कार्यक्रम केला जातो. मात्र, एके ठिकाणी याच नवरीचा चेहरा बघण्याच्या कार्यक्रमात महिलांमध्ये हाणामारी झाल्याची घटना समोर आली आहे. हा वाद इतका पेटला की, थेट पोलिसात हे प्रकरण गेलं.
मध्य प्रदेशातील कछपुरा गावातील ही घटना आहे. नव्या नवरीचा चेहरा दाखवण्याचा कार्यक्रमात झालेल्या हाणामारीवरून पोलिसात चक्क दोन तक्रारी दाखल झाल्या आहेत. नवरीचा चेहरा दाखवण्यासाठी शेजारील महिलांना बोलावण्यात आलं होतं. त्यातील एक महिला म्हणाली की, नवरी काळी आहे. त्यावर दुसऱ्या एका महिलेनं चिडून गोऱ्या मुली तर पळून जातात, असं म्हटलं. अशात शेजारीच उभी असलेली गोऱ्या वर्णाची मुलगी संतापली आणि महिलांमध्ये यावरून वाद पेटला. (हे पण वाचा : मुलाचा गुन्हा, आईला शिक्षा! पळून गेलेल्या तरूणीच्या कुटुंबीयांनी तिच्या बॉयफ्रेन्डच्या आईचं केलं अपहरण.....)
महिला आणि एका मुलीच्या कुटुंबीयांमध्ये यावेळी चांगलीच बाचाबाची झाली आणि त्याचे हाणामारीत रूपांतर झालं. संबंधित महिलेनं त्या मुलीच्या पोटावर चावा घेतला आणि तिचे केसही ओढले. मारामारीच्या प्रकारानंतर दोन्ही बाजूंनी पोलीस ठाण्यामध्ये तक्रार दाखल करण्यात आली. (हे पण वाचा : बहिणीच्या सासरी गेला होता भाऊ, तिथे असं काही घडलं की चक्क बहीण-भावाचं लग्न लावून देण्यात आलं!)
नवरीचा चेहरा दाखवण्याच्या कार्यक्रमात सुरुवातीला सर्व काही ठीक सुरू होतं. अशात गावातील एका रेखा नावाच्या महिलेनं शेजारी उभा राहिलेल्या १७ वर्षीय किशोरी नावाच्या तरुणीकडं पाहत, गोऱ्या रंगाच्या मुली तर पळून जातात असा टोमणा मारला. ही महिला इतक्यावर थांबली नाही तर गोऱ्या रंगाच्या मुलींचे अनेक मुलांसोबत चक्कर चालू असतात, त्या कधी त्यांच्या बॉयफ्रेंडसोबत पळून जातात, असंही ती म्हटलं.
हे ऐकून ती मुलगी चांगलीच संतापली. घडलेल्या प्रकारानंतर चिडून मुलगी तिच्या घरी निघून गेली आणि तिने घडलेला सर्व प्रकार आईला आणि कुटुंबियांना सांगितला. त्यानंतर हा वाद आणखी पेटला. या प्रकारावरून संतापलेल्या टोमणा मारणाऱ्या महिलेने किशोरीला मारहाण करण्यास सुरुवात केली. मारहाणीमध्ये महिलेने किशोरीच्या पोटाला चावा घेतला आणि त्यानंतर दोघी बहिणींनी मिळून त्याला महिलेलाही बेदम मारहाण केली.