उल्हासनगरात घरकाम करणाऱ्या महिलेचा विनयभंग; विठ्ठलवाडी पोलीस स्थानकात तक्रार दाखल

१० फेब्रुवारी रोजी तृतीयपंथीयांच्या मदतीने विठ्ठलवाडी पोलीस ठाणे गाठून तक्रार दाखल केली.

- सदानंद नाईक 

उल्हासनगर : घरकाम करणाऱ्या महिलेचा वृद्ध घरमालकाने विनयभंग केल्याचा प्रकार जानेवारी महिन्यात घडला. मात्र भीती पोटी महिलेने १२ फेब्रुवारी रोजी विठ्ठलवाडी पोलीस ठाण्यात तक्रार केल्यावर गुन्हा दाखल झाल्याची माहिती वरिष्ठ पोलीस निरीक्षक संजय गायकवाड यांनी दिली. 

उल्हासनगर कॅम्प नं-४ परिसरात सेवानिवृत्त असलेले अहिरे यांचे उल्हासनगर व नाशिक येथे घर असून ते नाशिक वरून ये-जा करीत आहेत. त्यांनी घरकाम करण्यासाठी एका महिलेला ठेवले होते. मात्र १२ जानेवारी रोजी अहिरे यांनी घरकाम करणाऱ्या महिले सोबत लगट करण्याचा प्रयत्न केला. या प्रकाराने घाबरलेल्या घरकाम करणाऱ्या महिलेने झालेला प्रकार ओळखीच्या तृतीयपंथीय यांना सांगितला. 

१० फेब्रुवारी रोजी तृतीयपंथीयांच्या मदतीने विठ्ठलवाडी पोलीस ठाणे गाठून तक्रार दाखल केली. विठ्ठलवाडी पोलीस ठाण्यात विनयभंगाचा गुन्हा दाखल केला असून वृद्ध इसमाला अटक करण्याची प्रक्रिया सुरू असल्याची माहिती वरिष्ठ पोलीस निरीक्षक संजय गायकवाड यांनी दिली. तसेच अधिक तपास पोलीस करीत आहेत.