बापरे! एक्स गर्लफ्रेंडच्या घरात कंडोम सापडलं; संतापलेल्या युवकानं उचललं धक्कादायक पाऊल

३३ वर्षीय क्रिस ब्लेकमोर त्याच्या एक्स गर्लफ्रेंडच्या घरात जबरदस्तीनं घुसला होता.

एका व्यक्तीने त्याच्या एक्स गर्लफ्रेंडवर चाकूने हल्ला करत तिला जीवे मारण्याचा प्रयत्न केला आहे. हा व्यक्ती त्याच्या एक्स गर्लफ्रेंडला भेटण्यासाठी तिच्या घरी गेला होता. तेव्हा तेथील बाथरुममध्ये गेला असता त्याला जे काही दिसले त्यामुळे त्याचा राग अनावर झाला. बाथरुम बाहेर येऊन त्याने महिलेसोबत वाद घातला. त्यानंतर चाकूने तिच्यावर सलग ३१ वार केले. त्यात पीडित युवती गंभीर जखमी झाली.

मिरर यूकेच्या रिपोर्टनुसार, ३३ वर्षीय क्रिस ब्लेकमोर त्याच्या एक्स गर्लफ्रेंडच्या घरात जबरदस्तीनं घुसला होता. त्यावेळी तो बाथरुममध्ये गेला असता त्याला तेथील डस्टबिनमध्ये कंडोमचं रॅपर दिसलं. त्यानंतर क्रिस प्रचंड भडकला होता. त्याने महिलेशी वाद घालत तिच्यावर चाकूने हल्ला केला. एकामागोमाग एक असे ३१ वार त्याने महिलेवर करत तिचा जीव घेण्याचा प्रयत्न केला. परंतु या हल्ल्यातून महिलेचा जीव थोडक्यात बचावला. हल्ल्याच्यावेळी घरात ७ वर्षाचा मुलगाही उपस्थित होता. त्याच्यासमोरच ब्लेकमोरनं महिलेवर सपासप वार केले.

कंडोम रॅपर पाहून राग अनावर

क्रिस ब्लेकमोर त्याच्या गर्लफ्रेंडसोबत वाईट वर्तवणूक करायचा. मारहाण करणे, जबरदस्तीने पैसे घेणे असा छळ रोजचा झाला होता. त्यामुळे महिलेने वैतागून त्याच्याशी ब्रेकअप केला. त्यानंतर महिला दुसऱ्यासोबत राहू लागली. परंतु एकेदिवशी ब्लेकमोर बळजबरीनं महिलेच्या घरात घुसला आणि तिच्याशी वाद घालू लागला. तेव्हा घरच्या बाथरुममध्ये कंडोमचं रॅपर पाहून तो भडकला.

त्यानंतर महिलेवर त्याने चाकू हल्ला केला. कसंतरी ब्लेकमोरच्या तावडीतून महिलेने पळ काढत पोलिसांना कॉल केला. त्यामुळे तिचा जीव थोडक्यात वाचला. महिला अनेक दिवस हॉस्पिटलमध्ये उपचारासाठी दाखल होती. या महिलेची हत्या करण्याचा ब्लेकमोरचा डाव होता असं पोलीस म्हणाले. सध्या ब्लेकमोरला पोलिसांनी अटक केली असून ब्रिटन येथे कोर्टात हजर केले. तेव्हा महिलेला जीवे मारायचं नव्हतं असे त्याने कोर्टात दावा केला. कोर्टाने ब्लेकमोरला जेलमध्ये पाठवलं असून २५ फेब्रुवारीला त्याला शिक्षा सुनावली जाणार आहे.