महिलांवरील अत्याचाराच्या बातम्या दररोजच्या झालेल्या असताना आता एका महिलेनेच अल्पवयीन मुलावर अत्याचार केल्याचा धक्कादायक प्रकार मुंबईजवळील कल्याणमध्ये घडला आहे. एका ३२ वर्षांच्या महिलेने नववीत शिकणाऱ्या मुलाला आपल्या गोडगोड बोलण्यात गुंतवून आधी दारु पाजली अन नंतर त्याच्याशी सातत्याने शरीर संबंध ठेवल्याचा प्रकार समोर आला आहे.
हा प्रकार एवढ्यावरच थांबला नाही, तर दोघांतील सेक्सचे रेकॉर्डिंगही अनेकदा करण्यात आले होते. हे सारे त्या मुलाच्या मोबाईलमध्ये होते. हा मुलगा घरी नेहमी दारु पिऊन येऊ लागला होता. तसेच मोबाईलवर सतत बोलत असायचा. यामुळे त्याच्या आईने वैतागून त्याचा मोबाईल काढून घेतला तेव्हा हा प्रकार समोर आला आहे.
अल्पवयीन मुलाच्या कुटुंबाने या महिलेविरोधात पोलिसांत गुन्हा दाखल केला आहे. पोलिसांनी आरोपी महिलेला अटक केली असून ती नाशिकची राहणारी आहे. मुलाच्या आत्यासोबत ती महिला कल्याणला येत असायची. यामुळे त्या मुलाची आणि तिची ओळख होती. मुलगा वयात आला होता, त्याचा फायदा या महिलेने घेतला.
कल्याण पूर्वमध्ये या मुलाचे घर आहे. त्याची आत्या नाशिकला राहते. तर तिची शेजारीन आरोपी महिला ही दोन मुलांची आई आहे. जेव्हा जेव्हा हा मुलगा नाशिकला आत्याकडे जायचा तेव्हा ती त्याच्याशी बोलायची. याचवेळी त्या महिलेने मुलाला आपल्या जाळ्यात ओढले होते. एके दिवशी त्याला दारु पाजली आणि त्याला अश्लिल व्हिडीओ दाखविले. यानंतर तिने आपला डाव साधायला सुरुवात केली. हा मुलगा तिच्या पाशात पुरता गुंतला होता. घरीही दारु पिऊन येऊ लागला होता. अभ्यासही करत नव्हता.
एके दिवशी तो तासंतास मोबाईल बोलत होता, त्याच्या वागण्यामुळे त्रासलेल्या आईने त्याचा मोबाईल चेक केला तेव्हा त्याच्या गॅलरीमध्ये त्याचे आणि त्या महिलेचे अश्लिल व्हिडीओ पाहिले आणि धक्काच बसला. याबाबत विचारताच त्याने सर्व सांगितले. आजतकने याची बातमी दिली आहे.