मुंबई शहर सायबर पोलिसांनी माहीम येथील एका 16 वर्षीय तरुणीला तिच्या प्रियकराच्या माजी प्रेयसीचे नग्न फोटो सोशल मीडियावर अपलोड केल्याप्रकरणी ताब्यात घेतले आहे. संबंधित अल्पवयीन मुलगी, तिचा प्रियकर आणि त्याची 20 वर्षीय जुनी प्रेयसी (जीने पोलिसांकडे तक्रार केली.) हे सर्व जण माहीममधीलच आहेत.
एका पोलीस अधिकाऱ्याने म्हटले आहे की, "जेव्हा 'ती' एक तरुणासोबत नात्यात होती, तेव्हा हे खासगी फोटो घेण्यात आले. दोघांचे ब्रेकअप झाले. यानंतर तो अल्पवयीन मुलीसोबत नाते प्रस्थापित करू लागला."
तक्रारदार महिलेने गेल्या वर्षी ऑक्टोबर महिन्यात यासंदर्भात माहिती मिळाल्यानंतर पोलिसांत तक्रार दाखल केली होती. यात, कुणी तरी आपले नग्न फोटो इंस्टाग्रामवर अपलोड केले आहेत, असे म्हणण्यात आले होते. पोलिसांनी एका अज्ञात संशयिताविरोधात आयपीसीच्या कलम 354 डी, 509 आणि 67 ए अतर्गत तक्रार दाखल केली होती.
पोलिसांनी सर्वप्रथम तक्रारदाराचे खासगी फोटो अॅपवरून काढून टाकले. सुरुवातीला या कृत्यामागे तक्रारदाराच्या माजी प्रियकराचा हात असल्याचा संशय पोलिसांना होता, मात्र नंतर, सर्व्हीस प्रोव्हायडरने नग्न फोटो अपलोड करणाऱ्याचा फोन नंबर शेअर केल्यावर ती दुसरी-तिसरी कुणी नसून तीच अल्पवयीन मुलगी असल्याचे समोर आले.
आणखी एका पोलीस अधिकाऱ्याने म्हटले आहे, की संबंधित मुलीने चतुराईने आपल्या प्रियकराच्या वडिलांच्या फोनचा वापर करून नग्न फोटो अपलोड केले. तसेच तपासातून समोर आले आहे, की प्रियकरासोबत बोलताना त्याच्या तोंडून जुन्या प्रेयसीचे नाव वारंवार आल्याने, ती जेलस झाली. यानंतर तिने त्याला त्रास देण्याचा निर्णय घेतला. आता संबंधित अप्लवयीन मुलिलला डोंगरी येथील किशोर न्याय बोर्डासमोर हजर करण्यात येणार आहे.