संतापजनक! जवळीक साधली, अश्लिल व्हिडीओ बनवला आणि दिराने वहिनीवर तीन वर्षे बलात्कार केला

Crime News: दीर-वहिनीच्या नात्याला कलंक लावणारी घटना समोर आली आहे. एका दिराने त्याच्या वहिनीला ब्लॅकमेल करत तब्बल तीन वर्षे तिच्यावर बलात्कार केला.

पलवल (हरियाणा) - हरियाणामधील पलवल जिल्ह्यात दीर-वहिनीच्या नात्याला कलंक लावणारी घटना समोर आली आहे. येथे एका दिराने त्याच्या वहिनीला ब्लॅकमेल करत तब्बल तीन वर्षे तिच्यावर बलात्कार केला. अखेर पीडित महिलेने हिंमत करून दिराविरोधात पोलिसांमध्ये तक्रार दिली. मात्र अद्यापतरी आरोपी दीर फरार आहे. (made pornographic videos and brother-in-law raped his Sister-in-law for three years)

या घटनेबाबत ठाण्याचे प्रभारी आनंद कुमार यांनी सांगितले की, २७ वर्षीय पीडित महिलेने तिचे पतीसोबत मतभेद असल्याचे सांगितले आहे. दरम्यान, गेल्या तीन वर्षांपासून तिचा दीर अमर याचे तिच्या घरी येणेजाणे होते. दरम्यान, २०१८ मध्ये अमरने पीडित महिला आणि तिच्या पतीमधील मतभेदांचा गैरफायदा घेत तिच्यावर बलात्कार केला. त्यानंतर अमरने तिचा व्हिडीओ बनवला असल्याचे सांगत पीडित महिलेला भीती घातली. तसेच तेव्हापासून हा व्हिडीओ व्हायरल करण्याची धमकी देत ब्लॅकमेल करून तो तिच्यावर बलात्कार करू लागला.

दरम्यान, १५-२० दिवसांपूर्वी अमर याने पीडितेला एक ऑडिओ रेकॉर्डिंग पाठवली. याची माहिती पीडितेच्या कुटुंबीयांना मिळाली. त्यानंतर अमरने सांगितले की, आतापर्यंत केवळ ऑडिओ रेकॉर्डिंग पाठवली आहे. नंतर व्हिडीओ रेकॉर्डिंगही पाठवेन, अशी धमकी त्याने दिली. त्यानंतर पीडितेने अमरविरोधात पोलिसांमध्ये तक्रार दिली.

त्यानंतर पोलिसांनी पीडितेच्या तक्रारीच्या आधारावर आरोपीविरोधात गुन्हा दाखल करून कारवाई सुरू केली. मात्र आरोपी अद्यापही फरार आहे. आरोपी दिराला लवकरच बेड्या ठोकण्यात येतील, असे पोलिसांकडून सांगण्यात येत आहे. मात्र सध्यातरी आरोपीचा शोध सुरू आहे.