लॉरेन्स बिष्णोई गँगच्या ड्रग्ज सिंडिकेटमधील प्रकरणात लेडी डॉन खुशनूमा अन्सारी ऊर्फ नेहा हिला पोलिसांनी अटक केली. नेहा, लॉरेन्स बिष्णोई गँगमधील गनमॅन ओळखल्या जाणाऱ्या बॉबी कबूतरची गर्लफ्रेंड आहे. बॉबी कबूतर लॉरेन्स बिष्णोई गँगला शस्त्र पुरवण्याचे काम करतो अशी माहिती समोर आली आहे.
बॉबी कबूतर ऊर्फ महफूज, त्याची गर्लफ्रेंड नेहा आणि इतर गुंड पोलिसांच्या कोठडीत आहेत. बॉबी कबूतरची गर्लफ्रेंड खुशनूमा अन्सारी ही उत्तर दक्षिण दिल्लीत एक ब्युटी पार्लर चालवते. त्याचबरोबर ब्युटी पार्लरच्या आडूनच ती बॉबी कबूतर आणि त्यांच्या गँगकडून केल्या जाणाऱ्या बेकायदेशीर धंद्यामध्येही सक्रीय आहे.
नेहाला कोणत्या प्रकरणात अटक झालीये?
बॉबी कबूतरच्या गर्लफ्रेंडला तिच्याजवळ ड्रग्ज असताना अटक केली गेली. तिच्याबरोबर गँगमधील मोहम्मद राजी खान आणि शाहबाज यांनाही पोलिसांनी बेड्या ठोकल्या.
पोलिसांनी दिल्लीतील महिपालपूर उड्डाण पुलाजवळ ही कारवाई केली. बॉबी आणि त्याच्यी गर्लफ्रेंड नेहा हे मागील सात वर्षांपासून सोबत आहेत. पोलीस तिची हाशिम बाबा लॉरेन्स गँग ड्रग्ज प्रकरणात चौकशी करत आहेत. हाशिम बाबाची पत्नी लेडी डॉन झोया पण या गँगचे काम सांभाळत होती. तिलाही काही महिन्यांपूर्वी अटक करण्यात आली.
बॉबी कबूतरने सिद्धू मुसेवाला प्रकरणात केली होती रेकी
सिद्धू मुसेवाला हत्या प्रकरणात बॉबी कबूतरचे नाव आलेले आहे. त्याने रेकी केल्याचा आरोप आहे. मुसेवालाच्या सर्व हालचाली आणि मार्गांची माहिती त्याने गोळा केली आणि ती पुरवली होती. मे २०२२ मध्ये सिद्धू मुसेवालाची हत्या करण्यात आली होती.
Web Summary : Khushnuma Ansari, aka Neha, Lawrence Bishnoi gang's 'Lady Don', arrested in drugs case. Girlfriend of Bobby Kabutar, she ran a beauty parlor, involved in illegal activities. Kabutar, linked to Moose Wala's murder, supplied weapons to the gang.
Web Summary : खुशनुमा अंसारी उर्फ नेहा, लॉरेंस बिश्नोई गिरोह की 'लेडी डॉन' ड्रग्स मामले में गिरफ्तार। बॉबी कबूतर की गर्लफ्रेंड, ब्यूटी पार्लर चलाती थी, अवैध गतिविधियों में शामिल। कबूतर, मूसेवाला की हत्या से जुड़ा, गिरोह को हथियार सप्लाई करता था।