हरयाणाच्या (Haryana) जींदमधून एक धक्कादायक घटना समोर आली आहे. जींदमध्ये एका महिलेकडून कथितपणे केल्या जासत असलेल्या लैंगिक शोषणाला (Sexual exploitation by a woman) कंटाळून एका १८ वर्षीय तरूणाने आत्महत्येचा प्रयत्न केला. पोलिसांनी सांगितले की तरूणाने ३१ मार्चच्या रात्री विषारी पदार्थ खाऊन आत्महत्येचा प्रयत्न केला. त्याच्यावर हॉस्पिटलमध्ये उपचार सुरू आहेत.
दोन वर्षांपासून लैंगिक शोषण करत होती
तरूणाकडून मिळालेल्या तक्रारीनुसार, पोलिसांनी सांगितले की, शेजारी राहणाऱ्या महिलेने दोन वर्षांआधी त्याच्यासोबत लैंगिक संबंध ठेवले होते. त्यानंतर गेल्या दोन वर्षांपासून ती त्याचं लैगिक शोषण करत आहे. त्यांनी सांगितले की, तरूणाने नकार दिला तिने त्याला बलात्काराच्या आरोपात अडकवण्याची धमकी दिली होती. (हे पण वाचा : बोंबला! बॉयफ्रेन्डची हत्या करून वडिलांसोबत केलं लग्न, प्लॅन करून तिघांनी केला त्याचा खात्मा!)
तक्रार दाखल
पिल्लूखेडा पोलिसांनी तरूणाच्या तक्रारीवर शेजारील महिला व तिच्या पती विरोधात आत्महत्येसाठी प्रवृत्त करणे आणि इतर काही प्रकरणात गुन्हा दाखल केला आहे. पोलीस अधिकाऱ्यांनी सांगितले की, महिला तरूणाचं मानसिक आणि शारीरिक शोषण करत होती. ज्याला वैतागून तरूणाने आत्महत्येचा प्रयत्न केला.
त्यांनी सांगितले की, तरूणाने आत्महत्येचा प्रयत्न केल्यावर त्याचा मोठा भाऊ आणि त्याचे मित्र महिलेच्या घरी पोहोचले. त्यांनी तिच्या पतीला मारहाण केली. त्यानंतर पोलिसांनी महिलेच्या तक्रारीवरून तरूणाच्या मोठ्या भावाविरोधात आणि त्याच्या साथीदाराविरोधात हल्ल्याची तक्रार दाखल केली आहे.