इंदूरचा राजा रघुवंशी याची त्याच्या पत्नीनेच कथित प्रियकराच्या साथीने सुपारी देऊन हनिमूनवेळी हत्या केली आहे. राजा आणि सोनम यांचे लग्न ११ मे रोजी झाले होते. यानंतर ते दोघेही २३ मे पर्यंत सोबत होते. एकाच घरात राहिले होते, नंतर मेघालयात हनिमूनलाही गेले होते. मीडिया रिपोर्टनुसार सोनम राजासोबतचे शरीरसंबंध टाळत होती. परंतू, तरीही पोलिसांनी लग्नाला एक महिना होत आल्याने सोनमची नियमानुसार प्रेग्नंसी टेस्ट करून घेतली आहे.
सोनम रघुवंशी राजाची हत्या करून शिलाँगहून परत इंदूरला आली होती. ती राजाला भेटली होती, असेही सांगितले जात आहे. हे जरी दावे असले तरी अद्याप याबाबत ठोस माहिती समोर आलेली नाही. यामुळे या काळात शरीरसंबंध आले असतील तर सोनम गर्भवती राहण्याची शक्यता होती. पोलीस तपास आणि गुन्ह्याची तीव्रता यावर या गोष्टीचा परिणाम होणार होता. परंतू, मेघालय पोलिसांनी सोनमची प्रेग्नंसी टेस्ट निगेटिव्ह आल्याचे म्हटले आहे.
शिलाँगचे एसपी विवेक सायम यांनी सांगितले की, सोनमविरोधात पुरेसे पुरावे सापडलेले आहेत. पुढील तपासात गोष्टी अधिक स्पष्ट होणार आहेत. सोनम रघुवंशी गर्भवती नाही. सोनम रघुवंशीचे ११ मे रोजी राजाशी लग्न झाले होते. त्यानंतर बरोबर एक महिन्यानंतर सोनमची गर्भधारणा चाचणी करण्यात आली आहे. हा खटला मेघायलातच चालविला जाणार आहे.
सोनमचा हरवलेला मोबाईल देखील तपासात मोठी भूमिका निभावणार आहे. सोनमच्या वहिनीनुसार तिच्याकडे दोन मोबाईल होते. परंतू, दोन्ही मोबाईल गायब आहेत. या मोबाईलवर राज किंवा इतर कोणाबरोबर ती काय काय बोलत होती, चॅटिंग करत होती ते रेकॉर्ड असणार आहे. हे मोबाईल मिळाले तर या प्रकरणात आणखी काही खुलासे होण्याची शक्यता आहे. राजाच्या आईने सोनमच्या लफड्याबाबत जर आधीच समजले असते तर राजाचे लग्न कशाला लावले असते असे म्हटले आहे. तर आरोपी प्रियकर राजची आई सोनम आणि राजचे लफडे नसल्याचे म्हणत आहे. एकंदरीतच पोलिसांना आधी सोनम आणि राज यांच्या नात्याबाबत तपास करावा लागणार आहे. सोनमचा भाऊ, वडिलही सोनम राजला राखी बांधायची , तो तिला दीदी म्हणायचा असे सांगत आहेत. मग या दोघांमध्ये नेमके काय नातेसंबंध होते, हे आधी शोधावे लागणार आहे.