विकृतीचा कळस! रुग्णालयाच्या ICU मध्ये तरुणीवर सामूहिक बलात्कार, घटनेने खळबळ
By ऑनलाइन लोकमत | Published: January 28, 2021 08:46 PM2021-01-28T20:46:15+5:302021-01-28T20:53:32+5:30
Crime News : एका तरुणीवर सामूहिक बलात्कार झाल्याची घटना समोर आली आहे.
विकृतीचा कळस! रुग्णालयाच्या ICU मध्ये तरुणीवर सामूहिक बलात्कार, घटनेने खळबळ
नवी दिल्ली - महिलांवरील अत्याचाराच्या आणि बलात्काराच्या घटना सातत्याने समोर येत आहेत. अशीच एक भयंकर घटना हरियाणाच्या पानीपतमध्ये घडली आहे. एका तरुणीवर सामूहिक बलात्कार झाल्याची घटना समोर आली आहे. धक्कादायक बाब म्हणजे रुग्णालयात आयसीयूमध्ये उपचारासाठी दाखल असलेल्या तरुणीवर सामूहिक बलात्कार करण्यात आला आहे. मिळालेल्या माहितीनुसार, एका 22 वर्षीय तरुणीला अस्वस्थ वाटू लागल्यामुळे तसेच तिला त्रास होऊ लागल्याने हरियाणाच्या मॉडल टाऊन येथील एका खासगी रुग्णालयात दाखल करण्यात आले होते.
रुग्णालयाच्या आयसीयूमध्ये तरुणीवर उपचार सुरू होते. त्याच दरम्यान रुग्णालयात कर्मचारी म्हणून कार्यरत असलेल्या दोन जणांनी तरुणीवर बलात्कार केल्याचा धक्कादायक प्रकार समोर आला आहे. पीडित तरुणीच्या वडिलांनी दिलेल्या तक्रारीनंतर पोलिसांनी सामूहिक बलात्काराचा गुन्हा दाखल केला आहे. तरुणीच्या कुटुंबीयांनी पोलिसांना दिलेल्या माहितीनुसार, 25 जानेवारी रोजी तरुणीला अचानक भीती आणि अस्वस्थता जाणवू लागली. त्यामुळेच कुटुंबीयांनी तिला उपचारासाठी तातडीने जवळच्या रुग्णालयात दाखल केलं. त्यानंतर तिला उपचारासाठी आयसीयूत दाखल करण्यात आलं.
निर्भया केंद्रावर सुरू असलेल्या काऊन्सिलींगदरम्यान 17 वर्षाच्या मुलीने सांगितला भयंकर अनुभव, केला धक्कादायक खुलासा https://t.co/IqopzCmV6J#Rape#crime#crimesnews
— Lokmat (@MiLOKMAT) January 19, 2021
तरुणीवर उपचार सुरू असतानाच रात्रीच्या वेळेच रुग्णालयातील एक कर्मचारी त्याची शिफ्ट संपल्यानंतरही घरी गेला नाही. तो आयसीयूमध्येच थांबून राहीला. त्यानंतर जवळपास एक तास तो तरुणीसोबत होता. त्यानंतर दुसरा आरोपी आत गेला आणि त्याने देखील तरुणीवर बलात्कार केला. सकाळी जेव्हा कुटुंबातील काही सदस्य तरुणीला भेटायला गेले. तेव्हा तिने तिच्यासोबत घडलेल्या या भयंकर प्रकाराची माहिती दिली. रुग्णालयात झालेल्या घटनेमुळे एकच खळबळ उडाली आहे. रुग्णालयातील सीसीटीव्ही फुटेज देखील तपासण्यात येत आहे.
पोलीस या प्रकरणाचा अधिक तपास करत असून एका आरोपीला अटक करण्यात पोलिसांना यश आलं आहे. तसेच रुग्णालय प्रशासनाने देखील या प्रकरणी पोलिसांना सर्वोतोपरी सहकार्य करत असल्याचं म्हटलं आहे. एका हिंदी वेबसाईटने याबाबतचे वृत्त दिले आहे. काही दिवसांपूर्वी एकाच कुटुंबातील चार महिलांवर बलात्कार झाल्याचा भयंकर प्रकार घडला आहे. पीडितांमध्ये एका अल्पवयीन मुलीचाही समावेश आहे. चारही महिलांना आपल्या जाळ्यात अडकवून आरोपीने हे कृत्य केलं.
धक्कादायक! पीडितांमध्ये एका अल्पवयीन मुलीचाही समावेशhttps://t.co/O9XvXYCNDR#Rape#crime#Police
— Lokmat (@MiLOKMAT) January 25, 2021
भयंकर! एकाच कुटुंबातील 4 महिलांवर बलात्कार, परिसरात खळबळ
राजस्थानमधील दौसा जिल्ह्यात माणुसकीला काळीमा फासणारी ही घटना घडली आहे. विष्षू गुर्जर असं आरोपीचं नाव असून पीडित कुटुंबाच्या घराजवळच त्याचा ढाबा आहे. गेल्या एक वर्षापासून आरोपी कुटुंबातील एका महिलेवर लैंगिक अत्याचार करत होता. त्यानंतर त्याने महिलेच्या लहान बहिणी आणि मुलीलाही आपल्या जाळ्यात ओढण्याचा प्रयत्न केला. महिलेला याची माहिती मिळताच तिने पोलिसांत धाव घेतली आणि आरोपीविरोधात तक्रार दाखल केली. तसेच संपूर्ण धक्कादायक प्रकार पोलिसांना सांगितला आहे. महिलेने तक्रार दिल्यानंतर कुटुंबातील इतर महिला पुढे आल्या आणि आरोपीविरोधात तक्रार दिली.
नात्याला काळीमा फासणारी घटना! सासूची अत्यंत निर्घृणपणे हत्या केल्यानंतर सूनेनं केलं असं काही...https://t.co/v0gIcVqfbc#crime#Police
— Lokmat (@MiLOKMAT) January 27, 2021
