सदानंद नाईक
उल्हासनगर : फेसबुकवरील मैत्रिणीने सोन्याची चैन, Apple लॅपटॉप, आयफोन व घडयाळचा फोटो दाखवून युकेमधून गिफ़्ट पाठविल्याचे सांगून कस्टम फी ऑनलाइन भरण्यास सांगून ५ लाखाची महेश राजांनी यांची फसवणूक केली. याप्रकरणी मध्यवर्ती पोलीस ठाण्यात गुन्हा दाखल केला असून पोलीस अधिक तपास करीत आहेत.
उल्हासनगर कॅम्प नं-३ परिसरात राहणारे महेश राजांनी यांना फेसबुकवरील जेसीक विल्यम्स नावाच्या मैत्रिणीने सोन्याची चेन, अँपल लॅपटॉप, घड्याळ व आयफोनचा फोटो व्हॉटअप नंबर पाठवून युके वरून गिफ़्ट पाठविल्याचे सांगितले. गिफ़्ट वरील कस्टम फी विना मैड या नावाने दिलेल्या बँक खात्यात ऑनलाईन जमा करण्यास सांगितले. महेश राजांनी यांनी ५ लाख ४९९ रुपये रुपये ऑनलाईन पाठविले. सदर प्रकार २७ जुलै ते ५ ऑगस्ट २०२१ दरम्यान घडला असून आपली फसवणूक झाल्याचे समाजले. याप्रकरणी मध्यवर्ती पोलीस ठाण्यात जेसिका विल्यम्स व विना मैड यांच्यावर गुन्हा दाखल झाला. अधिक तपास पोलीस करीत आहेत.