आधी होणाऱ्या पत्नीवर चाकूने केले सपासप वार, नंतर तिच्याच ओढणीने लावून घेतला गळफास....

Crime News : हमीरपूर जिल्ह्यातील इटोरा गावातील राहणारी १९ वर्षीय ज्योतिचं लग्न जालोन जिल्ह्यातील २२ वर्षीय तरूण देवेंद्रसोबत तीन वर्षांआधी ठरलं होतं.

Crime News : उत्तर प्रदेशच्या(Uttar Pradesh) हमीरपूरमधून एक धक्कादायक घटना समोर आली आहे. इथे एका जोडप्याचं वैवाहिक जीवन सुरू होण्यापूर्वीच संपलं. तरूण देवेंद्रने आपली होणारी पत्नी ज्योतिवर आधी चाकूने सपासप वार केले(Murder) आणि त्यानंतर तिच्याच ओढणीने स्वत:ला गळफास घेऊन आत्महत्या(Suicide) केली. या घटनेमुळे परिसरात एकच गोंधळ उडाला आहे.

हमीरपूर जिल्ह्यातील इटोरा गावातील राहणारी १९ वर्षीय ज्योतिचं लग्न जालोन जिल्ह्यातील २२ वर्षीय तरूण देवेंद्रसोबत तीन वर्षांआधी ठरलं होतं. ज्योतिचे आई-वडील विटांच्या भट्टीवर काम करतात आणि ज्योति तिच्या आजोबांकडे इटोरा गावात राहते. (हे पण वाचा : डंबेल्सने पत्नीच्या डोक्यात केले वार; खुनानंतर दोन चिमुकल्यांना घरात कोंडून पती फरार)

देवेंद्र बुधवारी सायंकाळी साधारण ४ वाजता होणारी पत्नी ज्योतिला भेटण्यासाठी इटोरा गावात आला होता. यावेळी ज्योति तिची मैत्रीण सरोजसोबत शेतावर गेली होती. देवेंद्र शेतावर गेला तर तिथे त्याच्यात आणि ज्योतिमध्ये काही कारणाने वाद झाला. यानंतर देवेंद्रने अचानक ज्योतिवर चाकूने हल्ला केला. त्यानंतर तिच्या ओढणीने स्वत:ला गळफास घेऊन आत्महत्या केली. (हे पण वाचा : धक्कादायक! आधी गर्भवती पत्नीसोबत काढला सेल्फी नंतर १ हजार फूट उंचीवरून दिला धक्का, वाचा कारण....)

घटनेवळी ज्योतिची मैत्रिण सरोजही तिथेच होती. जेव्हा सरोजने देवेंद्र अडवण्याचा प्रयत्न केला तेव्हा त्याने तिच्यावरही चाकूने वार केले. ज्यात ती जखमी झाली. घटनास्थळी पोहोचलेल्या पोलिसांनी ज्योतिला उपाचारासाठी हॉस्पिटलमध्ये दाखल केलं. तिला झांसीला शिफ्ट करण्यात आलं आहे. पण इथे उपचारादरम्यान तिचा मृत्यू झाला. ज्योतिचे काका मोहन यांनी सांगितले की, रोज प्रमाणे ज्योति जनावरांसाठी चारा आणण्यासाठी शेतात गेली होती. 

हमीरपूर एसपी नरेंद्र कुमार सिंह म्हणाले की, तरूणाने त्याच्या होणाऱ्या पत्नीवर जीवे मारण्यासाठी चाकूने सपासप वार केले आणि स्वत:ही फाशी लावून घेतली. पण दोघांच्या वादाचं कारण मात्र समजू शकलं नाही.