Don't do direct correspodence; Director General of police informed to Officer | थेट पत्रव्यवहार करू नका; पोलीस महासंचालकांची अधिकाऱ्यांना सूचना 
थेट पत्रव्यवहार करू नका; पोलीस महासंचालकांची अधिकाऱ्यांना सूचना 

ठळक मुद्देविविध स्वरुपाचे पत्रव्यवहार आणि अहवालाच्या सादरीकरणाबाबत पोलीस महासंचालकांनी पोलीस अधिकाऱ्यांना सूचना केली आहे.थेट संपर्क न साधता संबंधित आयुक्त, विशेष महानिरीक्षक कार्यालयामार्फत पाठवावयाचा आहे.

मुंबई - राज्यभरातील विविध पोलीस घटकांकडून मुख्यालयात पाठविण्यात येणाऱ्या विविध स्वरुपाचे पत्रव्यवहार आणि अहवालाच्या सादरीकरणाबाबत पोलीस महासंचालकांनी पोलीस अधिकाऱ्यांना सूचना केली आहे. थेटपणे पत्रव्यवहार न करता संबंधित वरिष्ठांच्यामार्फत पाठवायची आहेत. त्याशिवाय येणाऱ्या पत्रांची दखल घेतली जाणार नाही.

पोलीस महासंचालक सुबोध जयस्वाल यांनी खात्यातील कारभारात सुधारणा व पारदर्शीपणा आणण्यासाठी विविध उपाययोजना राबवित आहेत. त्याचाच भाग म्हणून घटकप्रमुखांकडून येणाऱ्या पत्र व्यवहारामध्ये अचुकता आणण्याचा निर्णय घेतला आहे. त्यासाठी थेट संपर्क न साधता संबंधित आयुक्त, विशेष महानिरीक्षक कार्यालयामार्फत पाठवावयाचा आहे. त्याशिवाय आलेल्या माहितीमध्ये काही त्रुटी असण्याची शक्यता असते. वरिष्ठाच्या निदर्शनास आल्यास त्यांच्या स्तरावर त्यामध्ये बदल केला जावू शकतो, त्यानंतर मुख्यालयाकडे मंजुरीसाठी पाठविल्या जावू शकतात. त्यामुळे संबंधित विषयातील त्रुटी दूर होवू शकतात, असे सूत्रांनी सांगितले.

Web Title: Don't do direct correspodence; Director General of police informed to Officer

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.