नवी दिल्ली - देशभरात अनेक धक्कादायक घटना समोर येत आहेत. अशाच एका भयंकर घटनेने दिल्ली हादरलं आहे. दिल्लीच्या रोहिणी परिसरात एकाच कुटुंबातील चार जणांचे मृतदेह घरात आढळल्याने एकच खळबळ उडाली आहे. माहितीनुसार, एकाचा मृतदेह घरात लटकलेल्या अवस्थेत सापडला. तर त्याची पत्नी आणि दोन मुलांचे मृतदेह खोलीत बेडवर पडलेले सापडले आहेत. पतीने आधी आपल्या पत्नीची हत्या केली. त्यानंतर दोन्ही मुलांची हत्या करून स्वतःही गळफास घेऊन आत्महत्या केली असा संशय सध्या व्यक्त केला जात आहे.
मिळालेल्या माहितीनुसार, घरचा दरवाजा आतून बंद करण्यात आलेला होता. ही घटना उघडकीस आल्यानंतर पोलिसांना माहिती देण्यात आली. माहिती मिळताच पोलीस घटनास्थळी दाखल झाले असून त्यांनी तपास सुरू केला. ही घटना उघडकीस आल्यानंतर परिसरात खळबळ उडाली. घराचा दरवाजा उघडताच सर्वांना धक्का बसला आहे. धीरज यादव असं मृताचं नाव असून त्याचा मृतदेह लटकलेल्या अवस्थेत आढळून आला. धीरज 31 वर्षांचा होता. तसेच डीटीसीमध्ये बसचालक म्हणून कार्यरत होता.
धीरज यांच्या पत्नीचं नाव आरती आहे. ती 28 वर्षांची होती. तर मुलगा हितेन सहा वर्षांचा आणि अथर्व हा अवघ्या तीन वर्षांचा होता. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे. मध्य प्रदेशमध्ये एक लज्जास्पद घटना समोर आली आहे. एका बलात्कार पीडित तरुणीला मदत करण्याऐवजी तिच्याच नातेवाईकांनी तिला बेदम मारहाण केल्याची संतापजनक घटना समोर आली आहे. धक्कादायक बाब म्हणजे तरुणीला बेदम मारहाण करून तिची बलात्कार करणाऱ्या आरोपीसोबत धिंड काढण्यात आली आहे. सोशल मीडियावर या घटनेचा एक व्हिडीओही समोर आला आहे.
लज्जास्पद! बलात्कार पीडितेला नातेवाईकांकडून बेदम मारहाण; आरोपीसोबत दोरखंडाने बांधून काढली धिंड
मध्य प्रदेशच्या अलीराजपूर जिल्ह्यात ही भयंकर घटना घडली आहे. एका कुटुंबाने बलात्कार पीडित मुलीला आधार देण्याऐवजी बेदम मारहाण केली आहे. पीडितेच्या कुटुंबीयांनी आरोपीला आणि पीडितेला दोरखंडाने बांधून बेदम मारहाण केली आहे. तसेच पीडित मुलीची आरोपीसोबत धिंड देखील काढली आहे. संबंधित आरोपी हा पीडित मुलीच्या ओळखीचा असून तिच्या नात्यातील आहे. या मारहाणीच्या घटनेनंतर परिसरात खळबळ उडाली असून पोलीस या प्रकरणाचा अधिक तपास करत आहे. पोलिसांनी याची दखल घेतली असून आरोपी आणि पीडित युवतीच्या नातेवाईकांविरुद्ध गुन्हा दाखल केला आहे. याप्रकरणी पोलिसांनी 6 आरोपींना अटक केली आहे.