आंध्र प्रदेश - आंध्र प्रदेशात विकृत धक्कादायक घटना उघड झाली आहे. पिथापुरम मंडल येथील गोकिवाडा गावात अज्ञात आरोपींविरोधात तीन महिन्यांच्या गरोदर गाईवर बलात्कार केल्याप्रकरणी गुन्हा दाखल करण्यात आला आहे. स्थानिक शेतकरी नामा राजू यांनी रविवारी सकाळी तक्रार केल्यानंतर ही घटना उघडकीस आली.
गाय बेपत्ता झाल्याने नामा राजू तिचा शोध घेत होते. गाय तीन महिन्यांची गर्भवती असल्याची माहिती मिळत आहे. पोलिसांनी गुन्हा दाखल केला असून तपास केला जात आहे. नामा राजू यांची गोकिवाडा आणि बी कोथुरुदरम्यान गोशाळा आहे. या गोशाळेत तीन गाई, दोन बैल आहेत. रविवारी सकाळी गाय बेपत्ता झाल्यानंतर नामा राजू तिला शोधत होते. अखेर एका शेतात गाय झाडाला बांधलेल्या अवस्थेत त्यांना आढळली. तिच्या गुप्तांगातून रक्तस्त्राव होत होता. नामा राजू आपल्या गाईला तपासणी करण्यासाठी स्थानिक पशुवैद्यकाकडे गेले असता तिच्यासोबत लैंगिक अत्याचार झाल्याचं त्यांनी सांगितले. अत्याचार करण्याआधी गाईला इंजेक्शन देण्यात आलं होतं असल्याची माहिती डॉक्टरांनी सांगितले. यानंतर नामा राजू यांनी पिथापुरम ग्रामीण पोलीस ठाण्यात तक्रार नोंद केली.