मुंबई - अश्लिल चित्रपटांच्या निर्मितीमध्ये सहभागी असल्याच्या आरोपाखाली शिल्पा शेट्टीचा पती राज कुंद्रा याला अटक केल्यानंतर आता मुंबईपोलिसांच्या क्राईम ब्रँचने जुहूमधील एका हॉटेलमधून सेक्स रॅकेटचा पर्दाफाश केला आहे. (Sex racket destroyed by Mumbai police) क्राइम ब्रँचने जुहूमधील एका पंचतारांकित हॉटेलमधून मुंबईतील एक आघाडीची मॉडेल आणि एका प्रसिद्ध टीव्ही अभिनेत्रीला अटक केली आहे. मात्र या प्रकरणात त्यांना अटक न दाखवता त्यांची सुटका करण्यात आल्याचा उल्लेख करण्यात आला आहे. तर या प्रकरणात ईशा खान नामक एका महिलेला अटक करण्यात आली आहे. ती हे सेक्स रॅकेट चालवत असल्याचा आरोप आहे. (Top model and actress arrested in Mumbai in sex racket case, Charged Rs 2 lakh for two hours)
ईशा खान ही महिला बऱ्याच दिवसांपासून मुंबईतील मोठ्या हॉटेलमध्ये सेक्स रॅकेट चालवत होती, अशी माहिती मुंबई पोलिसांना मिळाली होती. या माहितीच्या आधारावर पोलिसांनी एक पथक तयार केले. सुरुवातीला क्राइम ब्रँचच्या अधिकाऱ्याने बनावट ग्राहक बनून ईशा खानशी संपर्क साधला. त्यानंतर ईशा खानने अनेक फोटो पाठवले. क्राईम ब्रँचच्या अधिकाऱ्याने त्यातील दोन फोटो निवडले. यामधील एक तरुणी अनेक जाहिरातींमध्ये काम करते. तर दुसऱ्या तरुणीने अनेक मालिकांमध्ये काम केले आहे.
ईशा खानने प्रत्येक मुलीसाठी प्रत्येक दोन तासांसाठी दोन लाख रुपये घेणार असल्याचे सांगितले. या दोन लाखांपैकी ५० हजार रुपये हे ईशा खान हिला मिळणार होते. क्राईम ब्रँचच्या अधिकाऱ्यांनी त्या तिघांनाही जुहूमधील एका हॉटेसमध्ये भेटण्यासाठी बोलावले. गुरुवारी रात्री ईशा खान, संबंधित मॉडेल आणि अभिनेत्री हॉटेलच्या बाहेर पोहोचताच क्राईम ब्रँचच्या टीमने त्यांना अटक केली.
दरम्यान, या मॉडेल आणि अभिनेत्रीने सांगितले की, कोरोनामुळे जेव्हापासून लॉकडाऊन लागले आहे तेव्हापासून काम मिळत नाही आहे. लॉकडाऊनमुळे ती ज्या मालिकेमध्ये काम करायची ती बंद आहे. त्यामुळे मुंबईत राहण्यासाठी पैशांची गरज होती. त्यामुळेच मी या धंद्यामध्ये आले.