Crime News: पत्नीला पिकनिकला नेले, हौसमौज पुरवली, मग हत्या केली, असे उघड झाले धक्कादायक हत्याकांड

Crime News: हत्येचा एक धक्कादायक प्रकार समोर आला आहे. एका पतीने त्याच्या पत्नीला फिरवण्याचा बहाणा करून दुचाकीवरून पिकनिक स्पॉटवर नेले. तिथे तिला फिरवले, सेल्फी घेतल्या, भरपूर खाऊपिऊ घातले. शॉपिंग केली. त्यानंतर संध्याकाळी तिची हत्या केली.

रायपूर - छत्तीसगडमधील दुर्ग जिल्ह्यामध्ये हत्येचा एक धक्कादायक प्रकार समोर आला आहे. एका पतीने त्याच्या पत्नीला फिरवण्याचा बहाणा करून दुचाकीवरून पिकनिक स्पॉटवर नेले. तिथे तिला फिरवले, सेल्फी घेतल्या, भरपूर खाऊपिऊ घातले. शॉपिंग केली. त्यानंतर संध्याकाळी तिची हत्या केली. मग हत्येचा गुन्हा लपवण्यासाठी या पतीने जबरदस्त कहाणी रचली आणि पोलिसांना चकवा देण्यासाठी तो पत्नी बेपत्ता असल्याची तक्रार घेऊन ठाण्यात गेला. तिथे त्याने पोलिसांना एक खोटी कहाणी ऐकवली आणि तो घरी गेला. पोलिसांनी जेव्हा या प्रतरणाचा तपास सुरू केला तेव्हा धक्कादायक माहिती समोर आली.

हा धक्कादायक प्रकार दुर्ग आणि राजनांदगाव, या दोन जिल्ह्यांतील संबंधित आहे. पोलिसांनी दिलेल्या माहितीनुसार गुलशन देशमुख नावाचा तरुण १३ मे रोजी पत्नी नंदिनी देशमुख हिला घेऊन मनगटा डोंगरावर पिकनिकसाठी गेला. तिथे तिला फिरवले. खूप हौसमौज करवली. त्यानंतर शॉपिंग केले आणि अखेरीस तिची तलावात बुडवून हत्या केली.

त्यानंतर तो पोलीस ठाण्यात पोहोचला. तेथे त्याने पोलिसांना वेगळीच कहाणी ऐकवली. त्याने पोलिसांना सांगितले की, परतत असताना त्यांच्या दुचाकीमधील पेट्रोल संपत आलं होतं. रसमडाजवळ एका फ्युएल स्टेशनवर आम्ही पेट्रोल घेण्यासाठी गेलो. मात्र तिथे पेट्रोल नसल्याने मी पत्नीला तिथेच उभं करून दुसऱ्या पेट्रोल पंपावर गेलो. मात्र तिथून परत आलो तर पत्नी गायब होती.

पोलिसांनी या प्रकरणाचा तपास सुरू केला तेव्हा त्यांना गुलशनवर संशय आला. त्यांनी पेट्रोल पंपावरील सीसीटीव्ही फुटेज पाहिले. मात्र त्यात तो दिसला नाही. अखेर पोलिसांनी त्याला ताब्यात घेऊन त्याची कसून चौकशी केली. तेव्हा काही धक्कादायक गौप्यस्फोट त्याने केले. त्याने सांगितले की, चार वर्षांपूर्वी त्याचा आणि नंदिनीचा विवाह झाला होता. मात्र माझं माझ्या पत्नीवर प्रेम नव्हतं. त्यामुळे मीच तिच्यापासून सुटका करून घेण्यासाठी तिची हत्या केली. असं त्याने पोलिसांना सांगितलं.