नवी दिल्ली - देशात अनेक धक्कादायक घटना घडत आहेत. अशीच एक भयंकर घटना घडली आहे. एका तरुणाने तब्बल 20 वर्षांनंतर आपल्या वडिलांच्या हत्येचा बदला घेतला आहे. पोलीस तपासात हा धक्कादायक खुलासा करण्यात आला आहे. उत्तर प्रदेशच्या मुझफ्फरनगरमधील अहरोडा गावात 15 जुलै रोजी मांगेराम नावाच्या व्यक्तीची गोळ्या झाडून हत्या करण्यात आली होती. तसेच आरोपींनी मृतदेह हा पेट्रोल टाकून जाळून दिला होता. या घटनेने गावात एकच खळबळ उडाली होती. पोलिसांना या घटनेची माहिती मिळताच त्यांनी तातडीने घटनास्थळी धाव घेतली.
पोलीस या प्रकरणाचा अधिक तपास करत आहेत. पोलिसांना या प्रकरणात मुख्य आरोपी असलेल्या गोविंदा याला सोमवारी अटक करण्यात यश आलं. त्याच्याकडून काडतूसं जमा करण्यात आली आहेत. तसेच तीन आरोपी फरार असून त्यांचा शोध घेण्यात य़ेत आहे. पोलिसांच्या टीम या प्रकरणाचा तपास करत आहेत. पोलिसांनी आरोपीची कसून चौकशी केली असता त्याने मोठा खुलासा केला आहे. या हत्या प्रकरणाचा मास्टरमाइंड असलेल्या 27 वर्षीय गोविंदाने 20 वर्षांनंतर आपल्या वडिलांच्या हत्येचा बदला घेतला आहे.
गोविंदाचे वडील अजयपाल यांची 20 वर्षांपूर्वी हत्या करण्यात आली होती. पोलीस अधिकारी अतुल श्रीवास्तव यांनी दिलेल्या माहितीनुसार, गोविंदाने चौकशीदरम्यान पोलिसांना 20 वर्षांपूर्वी वडील अजयपाल यांची हत्या करण्यात आली. याप्रकरणी मांगेरामला शिक्षा देखील सुनावण्यात आली होती. याचाच बदला घेण्यासाठी गोविंदाने आपल्या काही साथीदारांसोबत हत्येचा कट रचला आणि मांगेरामची हत्या केली आहे. पोलिसांनी याप्रकरणी आता गोविंदाला अटक केली असून ते अधिक तपास करत आहेत. एका हिंदी वेबसाईटने याबाबतचे वृत्त दिले आहे.
महिलांवरील अत्याचाराच्या अनेक घटना या सातत्याने समोर येत आहेत. अशीच एक नात्याला काळीमा फासणारी घटना घडली आहे. हुंड्यासाठी एका विवाहितेचा प्रचंड छळ करून तिला विष पाजल्याची संतापजनक घटना समोर आली आहे. सासरच्यांनी जबरदस्तीने विष पाजलं, बेदम मारलं आणि गुप्तांगात मिरची टाकण्याचा प्रयत्न केला असं तरुणीने म्हटलं आहे. मृत्यूपूर्वी तिने केलेल्या Video मधून हा धक्कादायक प्रकार समोर आला आहे. या घटनेने परिसरात खळबळ निर्माण झाली आहे. अडीच महिन्यांपूर्वीच तिचं लग्न झालं होतं. राजस्थानच्या भीलवाडा जिल्ह्यात ही भयंकर घटना आहे.