संतापजनक! न विचारता हँडपम्पवरून पाणी प्यायल्याने वृद्धाला बेदम मारहाण; 70 वर्षीय व्यक्तीचा मृत्यू

Crime News : एका वृद्धाने विनापरवानगी हँडपम्प वापरल्यामुळे त्याला मारहाण करण्यात आली. या मारहाणीत त्याचा मृत्यू झाला.

नवी दिल्ली - देशात अनेक धक्कादायक घटना घडत आहेत. याच दरम्यान आता आणखी एक संतापजनक घटना समोर आली आहे. न विचारता हँडपम्पवरून पाणी प्यायल्याने एका व्यक्तीला बेदम मारहाण करण्यात आली आहे. यामध्ये 70 वर्षीय व्यक्तीचा मृत्यू झाला आहे. मिळालेल्या माहितीनुसार, एका वृद्धाने विनापरवानगी हँडपम्प वापरल्यामुळे त्याला मारहाण करण्यात आली. या मारहाणीत त्याचा मृत्यू झाला. बिहारच्या वैशाली जिल्ह्यातील सालेमपूर गावात ही भयंकर घटना घडली.

70 वर्षीय व्यक्तीला खूप तहान लागली होती. त्यामुळे घाईघाईत त्याने कोणालाही न विचारता रस्त्यावरील हँडपम्पवरून पाणी प्यायलं होतं. या क्षुल्लक कारणावरून आरोपींनी वृद्धाला बेदम मारहाण केली. उपविभागीय पोलीस अधिकारी राघव दयाल यांनी दिलेल्या माहितीनुसार, मृताला त्याच्याच ओळखीतील काही लोकांनी बेदम मारहाण केली होती. यामध्येच सहा नोव्हेंबरच्या पहाटे वृद्धाचा मृत्यू झाला. या प्रकरणाचा अधिक तपास सुरू करण्यात आला असून चौकशी करण्यात येत आहे. 

Bihar: A 70-year-old man died after being beaten up allegedly by the owners of a handpump that he used to drink water in Salempur area of Vaishali

"He was beaten up by some people belonging to the same caste & died in early morning of November 6," said SDPO Raghav Dayal pic.twitter.com/ILV8IcVUtQ

— ANI (@ANI) November 6, 2021

परवानगीशिवाय हँडपम्पवरून पाणी प्यायल्याने 'तो' संतापला; थेट जीवच घेतला 

वृद्धाचा मुलगा रमेश सैनी यांनी एएनआयला दिलेल्या माहितीनुसार, "माझे वडील गुरांसाठी गवत आणण्यासाठी गेले होते. तेव्हाच त्यांना तहान लागली आणि ते पाणी पिण्यासाठी हँडपम्पवर गेले. परवानगीशिवाय हँडपम्प वापरल्याने आणि पाणी प्यायल्याने मालकांना राग आला. त्यामुळे मालक आणि त्याच्या मुलाने माझ्या वडिलांना खूप मारहाण केली. या मारहाणीत जखमी झालेल्या वडिलांचा मृत्यू झाला आहे." आमचे हँडपम्प मालकाशी कोणतेही वैर नव्हते असं देखील मुलाने म्हटलं आहे. एका हिंदी वेबसाईटने याबाबतचे वृत्त दिले आहे.