राजस्थानमधील अलवरमध्ये एक धक्कादायक घटना समोर आली आहे. पोलीस कॉन्स्टेबल जयकिशन घटस्फोट न घेता दुसरं लग्न करत होता. त्याचं पहिलं लग्न २०११ मध्ये रीनाशी झालं होतं. त्याला १३ आणि १४ वर्षांची दोन मुलं आहेत. लग्नाच्या काही वर्षांनंतर जयकिशनचे इतर महिलांशी संबंध असल्याचा आरोप रीनाने केला आहे. रीनाच्या म्हणण्यानुसार, तो तिला सतत शिवीगाळ, धमक्या आणि मारहाण करायचा.
रीना दोन्ही मुलांना घेऊन तिच्या आईवडिलांच्या घरी परतली. याच दरम्यान एके दिवशी रीनाला समजलं की, जयकिशन रेनी येथील एका महिलेशी लग्न करत आहे. लग्नाच्या विधी सुरू झाल्या होत्या. अशातच रीना आपल्या दोन्ही मुलांना घेऊन लग्नाच्या ठिकाणी आली. या घटनेने सर्वांनाच मोठा धक्का बसला. लग्न मंडपात एकच गोंधळ झाला.
रीनाला पाहून जयकिशन घाबरला. त्याने होणाऱ्या नवरीचा हात धरला आणि थेट हॉटेलच्या बाथरूममध्ये गेला. दरवाजा आतून बंद केला. संपूर्ण कुटुंब आणि कर्मचारी दरवाजा ठोठावू लागले. पण कोणताही प्रतिसाद मिळाला नाही. २०-२५ मिनिटे दार वाजवल्यानंतर दोघेही बाहेर आले. लग्न मंडपात तणावपूर्ण वातावरण झालं होतं. यानंतर नवरीच्या कुटुंबीयांना सत्य समजताच त्यांच्या पायाखालची जमीन सरकली.
आतापर्यंत या प्रकरणात कोणताही एफआयआर दाखल झालेला नाही किंवा कोणतीही कारवाई झालेली नाही. जयकिशनचे अनेक महिलांशी संबंध असल्याचा आरोप रीनाचा आहे. तो तिला मारहाण करायचा आणि जीवे मारण्याची धमकी द्यायचा. तो मुलांना वाढवण्यातही मदत करत नव्हता. रीनाने सांगितले की तिने जयकिशनला सुधारण्याचा खूप प्रयत्न केला, पण तो सुधारला नाही आणि आज तो दुसरं लग्न करत होता.
Web Summary : Rajasthan cop tried marrying again without divorce. First wife, with their two children, interrupted the wedding ceremony. The groom and his bride locked themselves in a bathroom. The bride's family learned the truth, causing chaos. No FIR has been filed yet.
Web Summary : राजस्थान में एक पुलिसकर्मी बिना तलाक के दूसरी शादी कर रहा था। पहली पत्नी बच्चों संग पहुंची, शादी रुकवाई। दूल्हा दुल्हन संग बाथरूम में बंद हो गया। सच्चाई सामने आने पर हंगामा हुआ। अभी तक कोई एफआईआर दर्ज नहीं हुई है।