कोलंबिया : चालत्या बसमधून जर ड्रायव्हर अचानकपणे नाचू-गाऊ लागला तर, तुम्हाला नवल वाटेल ना. येथील एका लोकल बसच्या ड्रायव्हरने असा कारनामा केला आहे. बस रस्त्यावर धावत असताना त्याने चक्क आपलं नाच-गाणं सुरु केलं. एका प्रवाश्याने या ड्रायव्हरचा हा कारनामा मोबाईल कॅमेऱ्यात कैद केला असून तो सध्या सोशल मीडियावर प्रचंड व्हायरल होत आहे.
कोलंबियामधील एका लोकल बसमध्ये जवळपास २५ ते ३० प्रवासी होते. एका हायवेला ही बस सुसाट वेगाने धावत होती. त्यामुळे असं काही घडेल हे कोणालाच माहित नव्हतं. मात्र अचानक त्या बसचा ड्रायव्हर उठला आणि गाणी गात नाचू लागला. सगळ्या प्रवाशांना नवल आणि भीती वाटू लागली. बस तरीही त्याच स्पीडने धावत होती. तो नाचता नाचता मध्येच गाडीचं स्टेअरिंग योग्यरित्या हँडल करत होता. तेथील एका प्रवाशाने हा सगळा प्रकार शूट केला आणि सोशल मीडियावर टाकला आहे.
पण गंमत अशी की ड्रायव्हरने हा सगळा थरार एका टोविंग ट्रकच्या सहाय्याने केला आहे. या व्हिडिओत शेवटी कबूल करण्यात आलंय की, या बसला एका टोविंग ट्रकला बांधण्यात आलं होतं. त्यामुळे अपघात होण्याची शक्यता नव्हती. म्हणूनच ड्रायव्हरने बसलाच डान्स फ्लोअर बनवला. मात्र व्हिडिओ संपल्यानंतर सत्य समोर आल्यावर सर्व नेटकऱ्यांचा जीव भांड्यात पडला.
सौजन्य - www.dailymail.co.uk