देशाची राजधानी दिल्लीत एक धक्कादायक खळबळजनक घटना समोर आली आहे. येथे 50 वर्षीय सख्ख्या भावाची दरोडा टाकण्याच्या उद्देशाने हत्या करून मृतदेह घरात ठेवलेल्या फ्रीजमध्ये लपवून ठेवला. पोलिसांना घटनेची माहिती मिळताच पोलिसांनी तपास सुरू केला. याप्रकरणी पोलिसांनी दोन आरोपींना अटक केली आहे. आरोपींपैकी एक हा मृताचा सख्खा भाऊ आहे.पोलिसांनी दिलेल्या माहितीनुसार, 22 जुलै रोजी दिल्लीतील सीलमपूर भागात घरात ठेवलेल्या फ्रीजमधून 50 वर्षीय झाकीरचा मृतदेह सापडला होता. या प्रकरणी पोलिसांनी 55 वर्षीय आबिद हुसेन आणि मृत झाकीरचा भाऊ 25 वर्षीय जाहिद यांना अटक केली आहे.चौकशीदरम्यान दोघांनी उघड केले आहे की, झाकीर घरात एकटाच राहत होता आणि झाकीरच्या घरात बरीच रोकड ठेवल्याची माहिती दोघांना मिळाली होती. रोकड लुटण्याच्या उद्देशाने दोघेही झाकीरच्या घरी गेले आणि जाकीरच्या डोक्यात लोखंडी हातोड्याने वार करून त्याचा खून केला. त्यानंतर घरात ठेवलेली रोकड व दागिने लंपास केले. यानंतर मृतदेह फ्रीजमध्ये ठेवून ते पळून गेले.
पत्नीच्या प्रियकराला पतीने दिली भयानक शिक्षा, खून करून मृतदेह जंगलात जाळला
पोलिसांनी चार लाखांचा ऐवज, दागिने आणि हत्येत वापरलेला हातोडा जप्त केला आहे. मृत झाकीर हा घरात एकटाच राहत होता, तर झाकीरची पत्नी आणि मुले त्याच्यापासून फार पूर्वीपासून विभक्त झाली होती. पोलीस या संपूर्ण प्रकरणाचा तपास करत आहेत.