उत्तर प्रदेशच्या बिजनौर जिल्ह्यात पोलिसांनी एका हत्येचा धक्कादायक खुलासा केला आहे. जे ऐकून प्रत्येकाच्या अंगाचा थरकाप उडेल. ट्रकच्या कॅबिनमध्ये बसून नफीसनं मनप्रीतला खूप बिअर पाजली. त्यानंतर नशेच्या अवस्थेत पहिल्यांदा तिच्यावर लोखंडी रॉडने हल्ला केला त्यानंतर लाथ मारून ट्रकच्या बाहेर फेकले आणि शेवटी मनप्रीतच्या अखेरच्या श्वासापर्यंत नफीसनं ट्रकच्या चाकाखाली तिला चिरडलं.
पोलिसांनी या घटनेनंतर नफीसला अटक केली आहे. चौकशीत त्याने हत्येची धक्कादायक कबुली दिली आहे. आरोपीला कोर्टात हजर केल्यानंतर कोर्टाने त्याला जेलमध्ये पाठवलं आहे. सोमवारी पोलीस अधीक्षक डॉ. धर्मवीर सिंह म्हणाले की, नॅशनल हायवे ७४ वर जिकरी गावाजवळ एका महिलेचा मृतदेह छिनविछिन्न अवस्थेत आढळला होता. ही महिला मनप्रीत कौर असून उत्तराखंडच्या भीकमपुरी येथील सुखबीर सिंग यांची पत्नी असल्याचं समोर आलं. मनप्रीतच्या पतीने नफीस अहमदचा पुत्र जमीर अहमदविरोधात पोलीस ठाण्यात तक्रार नोंदवली होती. त्यानंतर नफीस अहमद या पोलिसांनी अटक केली.
नफीस अहमदकडून पोलिसांनी मृत महिलेचं आधार कार्ड, मोबाईल आणि हत्या करण्यासाठी वापरण्यात आलेला लोखंडी रॉड आणि ट्रक जप्त करण्यात आला आहे. चौकशीत आरोपीनं कबुल केले की, मनप्रीतसोबत त्याचे प्रेमसंबंध होते. ती माझ्यासोबत राहण्याचा हट्ट करत होती. इतकंच नाही तर जर मी सोबत राहिलो नाहीतर खोट्या गुन्ह्यात तुला अडकवेन अशी धमकी दिली होती असं त्याने पोलिसांना सांगितले. मनप्रीतच्या या धमकीला वैतागून नफीसनं तिचा काटा काढण्याचं ठरवलं. मनप्रीतला काशीपूरला सोडण्याच्या बहाण्याने तो ट्रकमधून घेऊन गेला. त्यानंतर मनप्रीतला ट्रकमध्येच बिअर पाजली. नशेच्या अवस्थेत दोघांमध्ये भांडण झालं. तेव्हा लोखंडी रॉडनं मनप्रीतवर हल्ला केला. त्यानंतर तिला लाथ मारून ट्रकच्या खाली ढकललं आणि हत्येला रस्ते अपघात दाखवण्यासाठी नफीसनं मनप्रीतचा मृतदेह तिच्या शेवटच्या श्वासापर्यंत चाकाखाली चिरडला.
असा आहे प्रकार?
पतीपासून वेगळं राहिल्यानंतर मनप्रीतची भेट २०१८ मध्ये काशीपूरमधील कपड्याचं दुकान असलेल्या नफीससोबत झाली. नफीसने तिला मोबाईल नंबर दिला. त्यानंतर दोघांमध्ये प्रेम संबंध सुरु झाले. मनप्रीत वारंवार नफीसला सोबत राहण्याचा हट्ट करू लागली. ज्यानंतर नफीसनं १ वर्षाने तिचं लग्न जवळच्या एका व्यक्तीसोबत केले. परंतु १० दिवसांनी मनप्रीत पुन्हा नफीसकडे आली. त्यानंतर एकदा फोनवरुन बोलता बोलता ती रात्री १० वाजता काशीपूरला परतण्याची मागणी करू लागली. त्यानंतर नफीस तिला काशीपूरला घेऊन जाण्यासाठी ट्रकने नेतो. ट्रकच्या केबिनमध्ये लोखंडी रॉडवर रक्त आढळल्याने पोलिसांना संशय आला. ट्रकाच्या डाव्याबाजूस खिडकीवर आणि चाकांवर रक्त आढळलं. त्यानंतर पोलिसांनी तिच्या मारेकऱ्याला अटक केली.