धक्कादायक! गर्भवती पत्नीला खाटेला बांधून जिवंत जाळलं, पोटात होती जुळी मुलं
By ऑनलाइन लोकमत | Published: April 21, 2024 11:32 AM2024-04-21T11:32:12+5:302024-04-21T11:32:57+5:30
शुक्रवारी पती-पत्नीमध्ये काही कारणावरून वाद झाला.
![amritsar man burns 6 month pregnant wife alive set her on fire after dispute | धक्कादायक! गर्भवती पत्नीला खाटेला बांधून जिवंत जाळलं, पोटात होती जुळी मुलं amritsar man burns 6 month pregnant wife alive set her on fire after dispute | धक्कादायक! गर्भवती पत्नीला खाटेला बांधून जिवंत जाळलं, पोटात होती जुळी मुलं](https://d3pc1xvrcw35tl.cloudfront.net/images/420x315/crime-new-1_202102561651.jpg)
धक्कादायक! गर्भवती पत्नीला खाटेला बांधून जिवंत जाळलं, पोटात होती जुळी मुलं
Amritsar Crime News: अमृतसर : नवरा बायकोचं नातं अतिशय खास असतं. विशेषतः पत्नी गरोदर असताना तर पती तिच्या आनंदासाठी काहीही करायला तयार असतो. मात्र, पंजाबमधील अमृतसरमधून अशी एक घटना समोर आली आहे, जिने सगळ्यांनाच हादरवून टाकलं आहे. घरात झालेल्या वादातून पतीने गर्भवती महिलेला पेटवून दिले. ही घटना अमृतसरजवळील बुल्लेनांगल गावात घडली.
शुक्रवारी पती-पत्नीमध्ये काही कारणावरून वाद झाला. यादरम्यान संतापलेल्या पती सुखदेवने पत्नी पिंकीला खाटेला बांधून पेटवून दिले. आग लावल्यानंतर आरोपी सुखदेव तेथून पळून गेला. या आगीत पिंकीचा मृत्यू झाला असून घरातील सर्व सामान जळून खाक झाले आहे. 23 वर्षांची पिंकी 6 महिन्यांची गरोदर होती, तिच्या पोटात जुळी मुले होती. सुखदेव आणि पिंकी यांचे अडीच वर्षांपूर्वी लग्न झाले होते.
पोलिसांनी दिलेल्या माहितीनुसार, सुखदेव आणि पिंकी यांच्यात वारंवार भांडण होत असल्याचे तपासात समोर आले आहे. दोघांमधील संबंध तणावपूर्ण राहिले. शुक्रवारीही काही मुद्द्यावरून वाद झाला आणि आरोपी सुखदेवने पिंकीची सुटका करण्याचा निर्णय घेतला. त्यानंतर आरोपी पत्नीला जिवंत जाळण्यात आले. पोलिसांनी गुन्हा दाखल करून तपास सुरू केला असून आरोपी सुखदेव याचा शोध सुरू आहे.
राष्ट्रीय महिला आयोगाकडून दखल, मागितला अहवाल
राष्ट्रीय महिला आयोगानेही या प्रकरणाची दखल घेतली आहे. राष्ट्रीय महिला आयोगाने फेसबुकवर पोस्ट टाकून या घटनेचा निषेध केला आहे. यासोबतच पंजाब पोलिसांकडून या प्रकरणाचा संपूर्ण अहवाल मागवण्यात आला आहे.