गोंदिया : चित्रपट अभिनेता विजय राज यांनी स्टाफमधील तरुणीची छेड काढल्याप्रकरणी तक्रारीवरुन रामनगर पोलिसांनी विजय राज याच्यावर विनयभंगाचा गुन्हा दाखल केला. ही कारवाई सोमवारी (दि.२) रात्री करण्यात आली. आता विजय राजला पोलिसांनीअटक केली आहे.
मध्यप्रदेशच्या बालाघाट जिल्ह्यात मागील पंधरा दिवसांपासून अभिनेत्री विद्या बालन यांची प्रमुख भूमिका असलेल्या शेरनी चित्रपटाची शुटींग सुरू आहे. चित्रपटाच्या शुटींग दरम्यान आणि गोंदिया येथील हॉटेल गेट वे येथे अभिनेता विजय राज यांनी सहकारी स्टाफमधील तरुणीची छेड काढली. सतत तीन दिवस हा प्रकार घडल्याने त्या तरुणीने सोमवारी रात्री रामनगर पोलीस स्टेशन गाठून विनयभंगाची तक्रार दाखल केली. तक्रारीवरुन गोंदिया रामनगर पोलिसांनी सोमवारी (दि.२) रात्री उशिरा ३५४ (अ), (ड) अन्वये गुन्हा दाखल केला. विजय राजला मंगळवारी (दि.३)गोंदिया येथील जिल्हा न्यायालयात हजर करण्यात आले. प्राप्त माहितीनुसार शेरनी चित्रपटातील सर्व अभिनेते आणि त्यांचे सहकारी स्टॉफ गोंदिया येथील हॉटेल गेट वे मध्ये मागील पंधरा दिवसांपासून थांबलेेले आहेत. ते गोंदिया येथून दररोज शुटींग करीता मध्यप्रदेशातील बालाघाट येथे जातात. शुटींग दरम्यान आणि हॉटेलमध्ये विनोदी अभिनेता विजय राज याने आपल्या स्टॉफमधील तरुणीची सतत तीन दिवस छेड काढली. त्यामुळे त्यामुळे तरुणीने सोमवारी रात्री रामनगर पोलीस स्टेशन येथे तक्रारीवरुन पोलिसांनी विजय राज याच्या विरोधात विनयभंगाचा गुन्हा दाखल केला आहे. त्यानंतर विजय राजला पोलिसांनी अटक केली आहे.
अभिनेता विजय राज याने हॉटेलमध्ये वास्तव्या दरम्यान आपल्याच स्टॉफमधील सहकारी कर्मचारी असलेल्या तरुणीची सतत तीन दिवस छेड काढली. याप्रकरणी तरुणीच्या तक्रारीवरुन सोमवारी रात्री गुन्हा दाखल करुन अभिनेता विजय राज याला अटक करण्यात आली आहे. - प्रमोद घोंगे, ठाणेदार रामनगर गोंदिया.