नवी दिल्ली - मध्य प्रदेशातील ग्वाल्हेरमध्ये एक संतापजनक घटना घडली आहे. एका 62 वर्षीय महिलेवर बलात्कार झाल्याची भयंकर घटना समोर आली आहे. आरोपीने महिलेला बेदम मारहाण केली. मारहाण केल्यानंतर जंगल परिसरात नेऊन तिच्यावर बलात्कार केला. धक्कादायक बाब म्हणजे महिलेला जीवे मारण्यासाठी अंगावर बाईक देखील घातली आहे. यामध्ये पीडित महिला गंभीर जखमी झाली आहे. तिच्या पायाला दुखापत झाली आहे. महिलेला उपचारासाठी ग्वाल्हेरच्या ट्रॉमा केअर सेंटरमध्ये दाखल करण्यात आले. याप्रकरणी पोलिसांनी मुख्य आरोपीला अटक केली आहे.
मिळालेल्या माहितीनुसार, गिरवाई परिसरात एका 62 वर्षीय महिलेवर मिठाई विक्रेत्याने आणि त्याच्या साथीदाराने बलात्कार केला आहे. एका कार्यक्रमात कामासाठी तिला बोलावण्यात आले होते. त्यानंतर महिलेला जंगल परिसरात नेऊन तिच्यावर बलात्कार केला. महिला जखमी अवस्थेत आढळून आल्यानंतर स्थानिकांनी तातडीने याबाबत पोलिसांना माहिती दिली. आपागंज येथील कल्लू उर्फ दिलीप नावाच्या मिठाई विक्रेत्याला एका कार्यक्रमात जेवण तयार करण्याचे काम मिळाले. त्यासाठी एका महिलेचीही गरज होती. त्याने पीडित महिलेला बोलावले.
आरोपीने महिलेला गिरवाई टेकडीवर नेले. त्याच्यासोबत त्याचा साथीदारही होता. दोघांनी पीडितेवर बळजबरी करण्याचा प्रयत्न केला. महिलेने यासाठी विरोध केला. आरोपीने तिला जीवे मारण्याच्या उद्देशाने तिच्या अंगावरून बाईक नेली. यात तिच्या पायाला दुखापत झाली आहे. या घटनेची माहिती मिळताच गिरवाई पोलीस घटनास्थळी पोहोचले. वृद्धेने घडलेला सर्व प्रकार पोलिसांना सांगितला. तिला उपचारासाठी ट्रॉमा केअर सेंटरमध्ये नेण्यात आले. पोलिसांनी तात्काळ कारवाई करून मुख्य आरोपीला अटक केली. या घटनेतील दुसरा आरोपी फरार आहे. एका हिंदी वेबसाईटने याबाबतचे वृत्त दिले आहे.
संतापजनक! "इथे राहायचं असेल तर तुला द्रौपदी होऊन राहावं लागेल"; पतीने दिली धमकी
देशभरात महिलांवरील अत्याचाऱाच्या, बलात्काराच्या अनेक धक्कादायक घटना या सातत्याने समोर येत आहेत. अशीच एक संतापजनक घटना आता पुन्हा एकदा समोर आली आहे. "इथे राहायचं असेल तर तुला द्रौपदी होऊन राहावं लागेल" अशी धमकी एका नवविवाहितेला तिच्या पतीने आहे. गुजरातच्या अहमदाबादमध्ये हा भयंकर प्रकार घडला आहे. लग्नाला अवघा एक महिना झाल्यावर पतीने आपल्या पत्नीला घराबाहेर काढल्याची घटना समोर आली आहे. याप्रकरणी पीडित महिलेने पोलिसांत तक्रार दाखल केली असून पोलीस या प्रकरणाचा अधिक तपास करत आहेत.
गुजरातच्या अहमदाबादमधील नवविवाहितेने पती आणि सासरच्या मंडळींविरोधात कौटुंबिक हिंसाचाराची तक्रार दाखल केली आहे. तिने आपल्या तक्रारीत पतीने आपला मोठा भाऊ आणि वडिलांसोबत शारीरीक संबंध ठेवण्यास भाग पाडलं. मात्र यासाठी नकार दिला असता त्याने घरातून बाहेर काढलं. जर तुला इथे आमच्यासोबत राहायचं असेल तर द्रौपदी बनून राहावं लागेल असं पतीने म्हटल्याची माहिती पीडित महिलेने पोलिसांना दिली. पीडित महिलेने आपल्या तक्रारीत दिलेल्या माहितीनुसार, अहमदाबादमधल्या चांदखेडा परिसरात राहणाऱ्या महिलेचं महिन्याभरापूर्वीच मोठ्या धूमधडाक्यात लग्न झालं होतं.