निलंगा / केळगाव (जि. लातूर) : दाेन वर्षांच्या पाेटच्या चिमुकल्याला आईने विहिरीत फेकून दिल्याची हृदयद्रावक घटना साेमवारी उघडकीस आली आहे. दरम्यान, पाण्यात बुडाल्याने मुलाचा मृत्यू झाला असून, पाेलिसांनी आराेपी मातेला अटक केली आहे. नेमका हा प्रकार का घडला व त्याचे कारण काय, याचा तपास पाेलीस करीत आहेत.
पाेलिसांनी सांगितले, निलंगा तालुक्यातील केळगावजवळील राठाेडा गावात रविवारी उशिरा हा प्रकार घडला. आराेपी माया व्यंकट पांचाळ (वय २५) हिला दाेन वर्षांचा संपत व्यंकट पांचाळ हा मुलगा हाेता. पती व्यंकट पांचाळ हे लातूर येथे एका खासगी कंपनीत नाेकरीला आहेत. रविवारी मुलगा घरात आढळून आला नाही. दरम्यान, घराशेजारी असलेल्या शिंदे यांच्या विहिरीत मुलाला आईनेच फेकून दिले. घटनास्थळी उपविभागीय पाेलीस अधिकारी दिनेशकुमार काेल्हे, पाेलीस निरीक्षक बी. आर. शेजाळ, पाेलीस उपनिरीक्षक गर्जे यांनी भेट दिली. व्यंकट विश्वनाथ पांचाळ यांच्या फिर्यादीवरून मयत बालकाची आई माया पांचाळ हिच्याविरुद्ध कलम ३०२ अन्वये गुन्हा दाखल करण्यात आला आहे. महिलेनं तिच्या दिराला सांगितले, मी पोराला विहिरीत फेकलं, पण दिरानं तिच्या बोलण्याकडे लक्ष दिलं नाही. पण संध्याकाळ झाली तरीही मुलगा दिसला नाही तेव्हा वहिणीने सांगितले दिराला आठवलं. त्यानंतर विहिरीत जवळ गेले असता तिथं मुलाचा मृतदेह सापडला.
फेकण्याचे कारण समजेना...
आईनेच आपल्या दाेन वर्षांच्या मुलाला विहिरीत फेकल्याने पाेलीसही चक्रावून गेले आहेत. पतीने दिलेल्या फिर्यादीत, तसेच प्राथमिक माहितीमध्ये गुन्ह्यामागचे कारण स्पष्ट झालेले नाही. पाेलिसांनी सांगितले, आराेपी महिलेची मानसिक स्थिती बरी नाही का? हे तपासात निष्पन्न हाेईल.
पती-पत्नीमध्ये सतत वाद...
पती व्यंकट पांचाळ आणि पत्नी माया पांचाळ यांच्यामध्ये सतत भांडण हाेत हाेते. दरम्यान, याच भांडणाच्या रागातून तिने आपल्या दाेन वर्षीय मुलाला विहिरीत फेकल्याचा प्राथमिक अंदाज पाेलिसांनी वर्तविला आहे. घटनेच्या आठ दिवसापूर्वीच दाेघांमध्ये कडाक्याचे भांडण झाले हाेते. पती व्यंकट पांचाळ हा एका खासगी कारखान्यात वाॅचमन म्हणून काम करताे.
एकुलता एक मुलगा...
पांचाळ दाम्पत्यांना एकुलता एक मुलगा असल्याची माहिती समाेर आली आहे. केवळ दाेघांमध्ये हाेणाऱ्या सततच्या भांडणातून ही घटना घडल्याचा अंदाजही पाेलिसांनी वर्तविला आहे. घटनेच्या मुळाशी जाण्याचा प्रयत्न पाेलीस करीत आहेत. पती औसा-लातूर येथे वास्तव्याला आहे. तर पत्नी माया ही राठाेडा गावात राहत हाेती. दरम्यान, तीने रविवारी रात्री उशिरा दाेन वर्षीय मुलाला शेजारच्या विहिरीत फेकले, असेही पाेलिसांनी सांगितले.
साेमवारी उघड झाली घटना...
घराशेजारीच असलेल्या शिंदे यांच्या विहिरीत एका चिमुकल्या मुलाचा मृतदेह पाण्यावर तरंगत असल्याचे आढळून आले. दरम्यान, याबाबतची माहिती निलंगा पाेलिसांना देण्यात आली. तातडीने पाेलीस घटनास्थळी दाखल झाले अन् पंचनामा करण्यात आला. अटक करण्यात आलेल्या आईनेही गुन्ह्याची कबुली दिली आहे, असे सहायक पाेलीस निरीक्षक अभिजित कुदळे यांनी सांगितले.