औरंगाबादमध्ये रेकॉर्डवरील सराईत गुन्हेगाराकडून युवकाची भोसकून हत्या

Aurangabad crime news: आरोपीने दोन दिवसांपूर्वी वाद झाल्याचे प्रकरण उकरुन काढत मयत मंगेश माळोदेसोबत वाद घातला.

ठळक मुद्देजिंसी पोलिसांच्या पथकाने मध्यरात्री आरोपीला बेडया ठोकल्या आहेत.

औरंगाबाद: शहरात सराइट गुन्हेगार शेख अरबाज उर्फ विशाल उर्फ भुर्या याने मंगेश दिनकर माळोदे(वय 28 रा. संजयनगर) याचा भोसकून खून केल्याची घटना गुरुवारी रात्री 10 वाजेच्या सुमारास घडली. जिंसी पोलिसांच्या पथकाने मध्यरात्री आरोपीला बेडया ठोकल्या आहेत.

शहरातील संजयनगर येथील कॉर्नरवर कुख्यात गुन्हेगाराने दोन दिवसांपूर्वी वाद झाल्याचे प्रकरण उकरुन काढत मंगेश माळोदेसोबत वाद घातला. मंगेशने आई समोर शिविगाळ केली त्यामुळे भुर्याने त्याच्या डाव्या हातावर, डाव्या पायाच्या मांडीवर चाक़ूने हल्ला चढवला. यात चाकुचे घाव खोलवर घुसल्यामुळे मंगेश जागीच कोसळला. 

यानंतर त्याला आजुबाजुच्या लोकांना तात्काळ घाटी रुग्णालयात दाखल केले. त्याच्यावर उपचार सुरू असतानाच अतिरक्तस्त्राव झाल्यामुळे मध्यरात्री 1 वाजेच्या सुमारास त्याचा मृत्यू झाला. दरम्यान, जिन्सी पोलीस ठाण्यात नाइट ड्यूटीला असणारे पोलीस उपनिरीक्षक गोकुळ ठाकुर यांना खबरीमार्फत आरोपी परिसरात फिरत असल्याची माहिती मिळाली. तेव्हा दोन कर्मचार्यांच्या मदतीने कुख्यात आरोपी भुर्याला मध्यरात्री अटक केली.