रांजणगावातून दोन मुलांसह महिला बेपत्ता

--------------------

किड्‌स कॅम्ब्रिज शाळेत मराठी दिन साजरा

वाळूज महानगर : सिडको वाळूज महानगरातील किड्स कॅम्ब्रिज स्कूलमध्ये मराठी राज्यभाषा दिन साजरा करण्यात आला. कोरोनाच्या पार्श्वभूमीवर सुरक्षित अंतर ठेवून विद्यार्थ्यांना कविश्रेष्ठ कुसुमाग्रज म्हणजेच विष्णू वामन शिरवाडकर यांच्या जीवनकार्याची माहिती देण्यात आली. कार्यक्रमाला शाळेच्या संचालिका निर्मला म्हस्के, सरला रोडगे, शालू गोठारिया, मानवी शेवाळे, अमृता जगताप, केतकी वावरे, अभिषेक गायकवाड आदींची उपस्थिती होती.

--------------------

कमळापूर फाट्यावर वाहतुकीची कोंडी

वाळूज महानगर : रांजणगावातील कमळापूर फाट्यावर वाढत्या अतिक्रमणामुळे सतत वाहतुकीची कोंडी होत आहे. या फाट्यावर विविध छोट्या-मोठ्या व्यावसायिकांनी अतिक्रमणे केल्यामुळे रस्ता अरुंद झाला आहे. परिणामी वाहनधारक व नागरिकांना दररोज वाहतुकीच्या कोंडीचा सामना करावा लागत आहे. रहदारीस अडथळा निर्माण करणाऱ्यांविरुध्द कारवाई होत नसल्याने वाहनधारक व नागरिकांतून नाराजीचा सूर उमटत आहे.

-----------------

बजाजनगरात मोकाट जनावरांचा धुडगूस

वाळूज महानगर : बजाजनगरात मोकाट जनावरांचा नागरी वसाहतीत धुडगूस सुरू असल्याने नागरिक त्रस्त झाले आहेत. मोकाट जनावरे सोसायटीत शिरकाव करून घरासमोरील बागा व झाडांची नासधूस करीत असतात. या जनावरांना हाकलण्याचा प्रयत्न केल्यास जनावरे अंगावर धावून जात असल्याने नागरिकांत भीतीचे वातावरण पसरले आहे. या मोकाट जनावरांचा बंदोबस्त करण्याची मागणी नागरिकांतून केली जात आहे.

----------------------

साऊथ सिटीत अंतर्गत रस्त्यांची दुरवस्था

वाळूज महानगर : साऊथ सिटीतील अंतर्गत रस्त्यांची दुरवस्था झाल्याने वाहनधारकांना आदळ-आपटीचा त्रास सहन करावा लागत आहे. या नागरी वसाहतीत बहुतांश कच्चे रस्ते असून रस्त्यांवर ठिकठिकाणी खड्डे पडले आहेत. या खड्डयांत वाहने आदळत असल्याने वाहनधारक त्रस्त झाले आहेत. रस्ता दुरुस्तीकडे प्रशासनाचे दुर्लक्ष असल्याने नागरिक व वाहनधारकांत असंतोषाचे वातावरण आहे.

--------------------------