वैजापूर : दोन दुचाकींच्या समोरासमोर झालेल्या धडकेत दोन जण ठार, तर दोन जण जखमी झाले. हा भीषण अपघात शनिवारी सकाळी वैजापूर-गंगापूर रस्त्यावर भगूर फाट्याजवळ घडला. ऋषीकेश शिवाजी मिरगे (वय २२, रा. जातेगाव) व नानासाहेब रामचंद्र विखे (वय ६२, रा. भगूर) अशी मृतांची नावे आहेत.
भगूर येथील रहिवासी नानासाहेब विखे व राजेंद्र बाबूराव चव्हाण हे दोघे शनिवारी सकाळी दुचाकीने (एमएच २०-बीझेड २०६७) वैजापूरला येत होते. तर विरुद्ध दिशेने जातेगावचे ऋषीकेश मिरगे व सागर काळे (वय ३०) हे दोघे येत होते. या दोन्ही दुचाकींची चोरवाघलगाव शिवारात भगूर फाट्याजवळील एका जिनिंगसमोर सकाळी ११ वाजता समोरासमोर जोराची धडक झाली. यात दोन्ही दुचाकींवरील चौघेही गंभीर जखमी झाले.
अपघात होताच परिसरातील नागरिकांनी तत्काळ धाव घेत रुग्णवाहिकेद्वारे चौघांनाही वैजापूर उपजिल्हा रुग्णालयात दाखल केले. तेथे डॉक्टरांनी तपासून ऋषीकेश मिरगे व नानासाहेब विखे यांना मयत घोषित केले. तर राजेंद्र चव्हाण व सागर काळे यांच्यावर उपचार सुरू आहेत. घटनेची माहिती मिळताच विरगाव पोलिसांनी घटनास्थळी धाव घेत पंचनामा करून अपघाताची नोंद घेतली. ऋषीकेश हा अविवाहित असून त्याच्या पश्चात आई-वडील, भाऊ असा परिवार आहे. तर मयत नानासाहेब विखे यांच्या पश्चात पत्नी, चार मुली, व भाऊ असा परिवार आहे.
Web Summary : Two died and two were injured in a head-on collision between two bikes near Bhagur Phata on the Vaijapur-Gangapur road. The deceased are Rushikesh Mirge and Nanasaheb Vikhe. Injured are receiving treatment.
Web Summary : वैजापुर-गंगापुर मार्ग पर भगूर फाटा के पास दो बाइकों की आमने-सामने की टक्कर में दो लोगों की मौत हो गई और दो घायल हो गए। मृतकों के नाम ऋषिकेश मिरगे और नानासाहेब विखे हैं। घायलों का इलाज चल रहा है।