- यादवकुमार शिंदेसोयगाव : छत्रपती संभाजीनगर आणि जळगाव जिल्ह्याच्या सीमेवर असलेल्या सोयगाव तालुक्यातील निंभोरा येथील एका हुशार व जिद्दी विद्यार्थिनीच्या प्रयत्नांमुळे लालपरी अर्थात एसटी बसने आता तिच्या शिक्षणाची वाट सुकर केली आहे. महाविद्यालयात जाणाऱ्या जान्हवी सोपान महाजन या विद्यार्थिनीसाठी आता एसटी बस थेट तिच्या शेताच्या बांधावर दररोज सकाळी ९ वाजता थांबते.
जान्हवी पाचोरा येथील मुरलीधर मानसिंगा कनिष्ठ महाविद्यालयात इयत्ता अकरावी कला या वर्गात शिक्षण घेते. शेताजवळच बसथांबा देण्याची विनंती केली मान्य शेतातील आखाड्यावर कुटुंबीयांसह राहणाऱ्या जान्हवीला बस पकडण्यासाठी दूरवरील बसस्थानकावर जावे लागत होते. अनेकदा बस चुकल्याने तिच्या शिक्षणात अडथळे येत होते. त्यामुळे तिने थेट परिवहनमंत्री प्रताप सरनाईक यांना पत्र पाठवून शेताजवळ बसथांबा देण्याची विनंती केली.
एसटी सकाळी ९ वाजता, सायंकाळी ५ वाजता थांबतेमंत्री सरनाईक यांनी पत्र वाचून जान्हवीसाठी शेताच्या बांधावर एसटी बस थांबविण्याचे आदेश दिले. जळगावचे विभाग नियंत्रक दिलीप बंजारा आणि पाचोरा आगार व्यवस्थापक प्रकाश पाटील यांनी तत्काळ कारवाई केली. त्यांनी जान्हवीशी संवाद साधून कुटुंबीयांची शेतावर जाऊन भेट घेतली. त्यानंतर जान्हवीसाठी लालपरी थेट तिच्या शेतीच्या बांधावर सकाळी ९ वाजता थांबेल व सायंकाळी ५ वाजता आणून सोडेल, अशी गोड बातमी दिली.
Web Summary : Diligent Janhavi's letter secured a bus stop at her farm for college commute. Minister intervened, ensuring daily transport at 9 AM and 5 PM, easing her education.
Web Summary : मेहनती जान्हवी के पत्र से कॉलेज आने-जाने के लिए खेत पर बस स्टॉप मिला। मंत्री ने हस्तक्षेप कर सुबह 9 बजे और शाम 5 बजे दैनिक परिवहन सुनिश्चित किया, जिससे उसकी शिक्षा आसान हो गई।