लोकसहभागातून अंंचलगावच्या शाळेचे रूप बदलले

शाळेचे बाह्यांग व अंतरंग पूर्णपणे बदलून एखाद्या शहरी व भरमसाट फी जमा करणाऱ्या शाळेला लाजवेल, असे सुंदर रूप लोणी खुर्द शाळेचे झाले आहे. ग्रामीण भागातील मुलं शिकली पाहिजेत, ही आस बाळगून मुलांशी गट्टी आणि पालकांशी संवाद साधून आपल्या सहकाऱ्यांच्या मदतीने मुख्याध्यापक मल्हारी गोसावी यांनी शाळेचे रूप पालटले आहे. लोकसहभागातून सुमारे तीन लाखांचा निधी शाळेला उपलब्ध झाला. याच निधीतून रंगकाम, शाळा व्यवस्थापन समिती अकरा सदस्यांनी स्वखर्चाने रंगमंच उभारला. ग्रामपंचायतीच्या वतीने १४ व्या वित्त आयोगातून अंगणामध्ये पेव्हर ब्लॉक बसवून देण्यात आले. शैक्षणिक संकुल आनंददायी बनविण्यासाठी उद्योजक, नोकरदार, शेतकरी, तरुण, वयोवृद्ध व शाळेतील शिक्षकवर्ग या सर्वांनीच भरभरून मदत दिल्याने शाळ‌ेचा चेहरा बदलला आहे. शाळेच्या विकासकामासाठी अध्यक्ष किरण कोकाटे, उपाध्यक्ष गोरख गायके, सरपंच कमलबाई गायके, उपसरपंच शांताबाई काकडे, लोणी केंद्राचे केंद्रप्रमुख गंगवाल, पदवीधर शिक्षक कृष्णा राऊत, सारंगधर जाधव, गणेश दुधभाते आदींनी पुढाकार घेतला.

----

लॉकडाऊन लागल्याने मुलांसाठी शाळा बंद होती. परंतु, ऑनलाइन शिक्षण सुरू होते. दुसरीकडे गावकऱ्यांच्या मदतीने व शिक्षकवृंदांच्या सहकार्याने शाळेच्या इमारतीचा चेहरा बदलण्याचे काम केले.

- मल्हारी गोसावी, मुख्याध्यापक, अंचलगाव.