Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : रेल्वेत नोकरीचे आमिष दाखवून २७ बेरोजगारांची २७ लाखांची फसवणूक केल्याच्या गुन्ह्याचा लवकरच तपास पूर्ण करून अंतिम अहवाल दाखल करू, असे पोलिसांनी निवेदन केले. त्यावरून औरंगाबाद खंडपीठाचे न्या. मंगेश पाटील आणि न्या. शैलेष ब्रह्मे यांनी पोलिसांचा खुलासा वजा निवेदन स्वीकारून याचिका निकाली काढली.यासंदर्भात एक वर्षापूर्वी जिंतूर पोलिस ठाण्यात गुन्हा दाखल झाला. मात्र, अद्यापपर्यंत कुठलीही प्रगती झाली नसल्यामुळे मूळ फिर्यादी ठकाजी श्रीरंग काळे यांनी ॲड. वैभव जी. देशमुख यांच्यामार्फत दाखल केलेल्या फौजदारी याचिकेच्या अनुषंगाने खंडपीठाने वरीलप्रमाणे आदेश दिला. दरम्यान, फसवणूक करणाऱ्यांपैकी सूरज प्रदीप गोमासे याचा अटकपूर्व जामीन अर्ज औरंगाबाद खंडपीठाचे न्या. नितीन बी. सूर्यवंशी यांनी नामंजूर केला आहे.सकृदर्शनी प्रथम माहिती अहवालातील (एफआयआर) आरोपात तथ्य आढळते. गुन्ह्यात अर्जदार सूरजचा सक्रिय सहभाग आणि त्याने निभावलेली महत्त्वाची भूमिका, त्याने व इतर आरोपींनी फिर्यादीप्रमाणेच अनेकांची फसवणूक केल्याचे तपासाच्या कागदपत्रांवरून आढळते. गुन्ह्याचे गांभीर्य आणि अर्जदाराचा गुन्ह्यातील सहभाग पाहता गुन्ह्याच्या योग्यप्रकारे तपासासाठी त्याला पोलिस कोठडी देणे आवश्यक असल्याचे निरीक्षण नोंदवीत खंडपीठाने सूरजचा अटकपूर्व जामीन अर्ज नामंजूर केला.राज्य परिवहन खात्यातील वाहन चालक ठकाजी काळेच्या फिर्यादीनुसार त्यांची पुणे येथील राज्य परिवहन खात्यातील अण्णासाहेब गोहत्रे यांची ओळख होती. अण्णासाहेबने त्यांचे मित्र सुनील गोपाळ लोगडे (रा. चनाबकती, जिल्हा गोंदिया) आणि सूरज प्रदीप गोमासे (रा.साकोली, जि, भंडारा) यांची ओळख करून दिली होती. सुनील आणि सूरज यांनी ते आयकर खात्यात नोकरी करीत असल्याचे भासवून गरजूंना रेल्वेत नोकरी लावून देऊ शकतात असे काळे यांना सांगितले. काळेचा विश्वास बसावा यासाठी सुनील आणि सूरजने दिल्ली, मुंबई आणि कोलकाता येथील रेल्वेच्या कार्यलयात नेऊन काळे यांची रेल्वेच्या अधिकाऱ्यांशी ओळख करून दिली होती. सुनील आणि सूरजने रेल्वेत नोकरीचे आमिष दाखवून विष्णू काळे, दीपक देशमुख आदी २७ बेरोजगारांकडून रोख, ऑनलाइन आणि विविध बँक खात्यांद्वारे वेळोवेळी एकूण ७३ लाख ८३ हजार रुपये घेतले होते. याचिकाकर्ता काळे याच्याकरिता ॲड. वैभव जी. देशमुख आणि सरकारतर्फे सहायक सरकारी वकील एम. एम. नेरलीकर यांनी काम पाहिले.

Chhatrapati Sambhajinagar (Marathi News)

मागच्या वर्षी लसणाचे लागवड क्षेत्र कमी असल्याने तुलनेने यावर्षी लसणाची आवक कमी प्रमाणात झाली. ...

दुचाकी चोरट्यास पकडले, त्याच्याकडे सापडले चोरीचे १७ मोबाइल ...

बीड जिल्ह्यातील प्रकरण; सरकार पक्षाचा पुरावा कमकुवत व तकलादू ...

गेल्या महिन्याभरात छत्रपती संभाजीनगरात सेक्स रॅकेटवरील ही सातवी कारवाई आहे. ...

सग्या -सोयऱ्यांची अंमलबजावणी करून ओबीसीतून आरक्षण कधी देणार हे सांगा ? ...

छत्रपती संभाजीनगर जिल्ह्यातील कापड व्यापाऱ्यांकडून १२५ कोटीच्या ऑर्डर रद्द ...

२७ बेरोजगारांकडून रोख, ऑनलाइन आणि विविध बँक खात्यांद्वारे वेळोवेळी एकूण ७३ लाख ८३ हजार रुपये घेऊन केली फसवणूक ...