Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : शहरातील बड्या बांधकाम साईटची दिवसा रेकी करून रात्री तेथील लाखोंचे साहित्य चोरणारी टोळी दाेन अल्पवयीन मुलेच चालवत असल्याची धक्कादायक बाब समोर आली आहे. त्या दोघांसह त्यांचा साथीदार तुषार संतोष दाभाडे (२१,रा.कमळापूर) याला सातारा पोलिसांनी अटक करत २ लाख ६१ हजारांचे साहित्य जप्त केले.गेल्या काही महिन्यांपासून शहरात बांधकाम साहित्य चोरीला जाण्याच्या घटनांत वाढ झाली होती. पुरूषोत्तम लक्ष्मण सरोदे (४१, रा. गोलवाडी), मनोज सर्जेराव तिडके (४६, रा. एन-९) व मानसून राजकुमार सवाईवाला (२४, रा. निराला बाजार) या तिघांच्या साईटवरून लाखोंचे साहित्य चोरीला गेले होते. सातारा पोलिस ठाण्याचे निरीक्षक संग्राम ताटे यांना बुधवारी चोरीचे बांधकाम साहित्य विकण्यासाठी दोन अल्पवयीन मुलांनी संपर्क करून ए.एस.क्लब जवळ ते विकण्यासाठी येत असल्याची माहिती प्राप्त झाली होती. ताटे यांच्या सूचनेवरून उपनिरीक्षक नंदकुमार भंडारे यांनी गुरुवारी सापळा रचला. तुषार व दोघे अल्पवयीन तेथे येताच तिघांना ताब्यात घेण्यात आले. चौकशीत तिघांनी चोरीची कबुली दिली. सहायक फौजदार अनिलकुमार सातदिवे, मनोज अकोले, दिगंबर राठोड, रज्जाक शेख, जगदीश खंडाळकर, रवींद्र राऊत यांनी कारवाई केली.वडिलांच्या टेम्पोचा वापरदोन्ही अल्पवयीन मुले परराज्यातील असून कामाच्या शोधात काही वर्षांपूर्वी वाळुजमध्ये स्थायिक झाले. एकाचे वडील दिवसभर टेम्पो चालवून कुटुंबाचा उदरनिर्वाह चालवतात. ही टोळी दिवसभर शहर, वाळूजमध्ये रेकी करते. रात्री हा टेम्पो काढून साहित्य चोरून नेतात. वाळुजचा गुन्हेगार रामदास खाटोड त्यांच्या टोळीत सहभागी असल्याची कबुली त्यांनी दिली. तो मात्र पसार झाला आहे. साहित्य विकून दोन्ही अल्पवयीन मुलांनी मुंबईला जाऊन पैसे उडवल्याचे पोलिसांना सांगितले.

Chhatrapati Sambhajinagar (Marathi News)

फॉरेन कनेक्शनमुळे गुन्ह्याची व्याप्ती वाढणार, शहरातील २९ तरुणांची नावे निष्पन्न ...

अतिवृष्टीच्या नुकसानीमुळे अल्पभूधारक शेतकऱ्याने संपवले जीवन ...

गणपती उत्सवानिमित्त सुरू कार्यक्रमात गोंधळ घालून लावण्यांचा कार्यक्रम पाडला बंद ...

आरएसएसवाले हिंदुत्व धोक्यात आल्याचे सांगत आहेत. हा फसवा प्रचार आहे: प्रकाश आंबेडकर ...

कन्नड तालुक्यातील प्रकार; अधिकाऱ्यांनी अर्ज रद्द करून कारवाईची केली शिफारस ...

वातावरण निर्मितीसाठी आता वार्डा-वार्डांत संवाद बैठका ...

वडिलांच्या टेम्पोचा वापर, तिघे ताब्यात, अडीच लाखांचा मुद्देमाल जप्त ...