मुरबाड जमिनीत पिकलं सोनं़़!

चेतन धनुरे ,लातूर
घरात शिक्षणाचा मागमूस नाही़़़ उन्हातान्हात राबायचे, कष्ट करायचे इतकेच त्यांच्या ध्यानी़ घरात कसलीही पार्श्वभूमी नसताना औसा तालुक्यातील हसलगण येथील एका कष्टकऱ्याच्या मुलाने लातूरच्या शिवाजी विद्यालयातून घवघवीत यश मिळविताना ९५़६० टक्के गुण मिळविले आहेत़ मुरबाड शेतात नाही पिकलंच नसलं तरी घरात सोनं पिकल्याचा आनंद या विद्यार्थ्याच्या घरी ओसंडून वाहत होता़
हसलगण येथील प्रसाद मोरे असे या विद्यार्थ्याचे नाव आहे़ वडील धनंजय मुरबाड जमिनीत राबून उदरनिर्वाहाचा प्रश्न मार्गी लावण्यासाठी धडपड करतात़ आई अरुणा त्यांना घरासोबतच शेतीकामातही मदत करतात़ दोघांच्याही शिक्षणाचा पत्ता नाही़ प्रसाद या त्यांच्या पुत्ररत्नातील चमक ओळखून शिक्षक तसेच नातेवाईकांनी धनंजय मोरे यांना त्यास शिक्षणासाठी लातुरात ठेवण्याचा सल्ला दिला़ बेताच्या परिस्थितीमुळे प्रसादला बँकेत काम करणाऱ्या चुलतभावाकडे ठेऊन लातूरच्या शिवाजी विद्यालयात प्रवेश दिला़ येथे खोलीत ५ जण राहत असल्याने थोडासा गोंधळ असायचा़ परंतु, परिस्थितीमुळे परिक्षेच्या अगदी शेवटच्या टप्प्यात अभ्यासिका लावून अभ्यास केला़ त्याचा फायदा झाल्याचे प्रसाद सांगतो़ शाळेतच बराच वेळ अभ्यासाची तयारी करवून घेतली जात होती़ उर्वरीत वेळेपैकी ४ ते ५ तास अभ्यास करायचा़ विषय कुठलाही अवघड वाटत नसत़ परंतु अभ्यास कमी पडतो की काय, अशी थोडीशी भिती वाटायची़ परंतु, मन लावून अभ्यास केल्यामुळे माझा निकाल चांगला लागल्याचे प्रसादने सांगितले़ प्रसादचा दहावीचा निकाल लागला तेव्हाही वडील धनंजय मोरे शेतातच राबत होते़ त्याच्या गुणवत्तेची माहिती कानी टाकल्यानंतर झालेल्या आनंदाने त्यांना कौतुकाचे शब्दही सूचत नव्हते़ त्यांनी धावतच घराकडे जाऊन पोराचे कौतुक केले़
मुरबाड जमिनीत वर्षभर राबूनही पोटभर धान्य पिकविता आले नाही़ परंतु, आमच्या कष्टाची जाण ठेऊन पोरगं सोन्यासारखं पिकलं, अशा शब्दात त्यांनी आपल्या भावना व्यक्त केल्या़
कलेक्टर व्हायचंय़़़्
दहावीनंतर आता अकरावी, बारावी करुन मेडिकलला प्रवेश घ्यायचा आहे़ एमबीबीएस झाल्यानंतर केंद्रीय लोकसेवा आयोगाच्या परिक्षा देऊन कलेक्टर व्हायचंय्, असा मानस प्रसाद मोरे याने व्यक्त केला आहे़