तीर्थपुरीत विद्यार्थिनीचा विनयभंग; आरोपी अटकेत

तीर्थपुरी : शिक्षक असलेल्या बहीण आणि मेव्हण्याला भेटण्यासाठी आलेल्या निलेश कृष्णा लांडगे याने ७ वर्षीय शाळकरी मुलीचा रविवारी सायंकाळी ६ वाजेच्या सुमारास विनयभंग केल्याचे उघडकीस आले. तक्रारीनंतर पोलिसांनी त्याला अटक केली आहे.
मुलीच्या आईवडिलांना शिक्षक असणाऱ्या मेव्हण्याने दमदाटी केल्याने शिक्षक आणि त्याची पत्नी तसेच शिक्षकाच्या आईवर गुन्हा दाखल करण्यात आला.
येथील उढाण कॉलनी येथे राहणारे विजय गाडेकर यांच्या घरी किरायाणे राहणारे शिक्षक खंडू उराके यांच्या पत्नीचा भाऊ आरोपी निलेश लांडगे याने १५ आॅगस्ट रोजी बहिणीला भेटण्यासाठी तीर्थपुरी येथे आला होता. तो खाजगी कंपनीत मेडिकल रिप्रेंझेटिव्ह म्हणून नोकरीस
आहे.
मेव्हण्याच्या घराशेजारी राहणाऱ्या ७ वर्षीय शाळकरी मुलगी त्याच्या मेव्हण्याच्या मुलीसोबत खेळण्यासाठी आली असता निलेश लांडगे याने त्या मुलीचा विनयभंग केला. मुलीच्या वडीलांनी तक्रार दिल्याने आरोपी विरूद्ध कलम ३५४ नुसार गुन्हा दाखल गुन्हा दाखल करून त्यास सोमवारी अटक करण्यात आली.परंतु सदर आरोपीच्या मेव्हण्याने सदर मुलीच्या वडिलास दमदाटी करून शिवागाळ केली.
त्यामुळे त्यांच्याही विरूद्ध पोलिसांत गुन्हा दाखल करण्यात आला.पुढील तपास सहायक पोलीस निरिक्षक एम. एल. पवार करत आहे. (वार्ताहर)
शाळकरी मुलीचा विनयभंग करण्यात आल्याची तीर्थपुरी येथील महिन्यातील ही दुसरी घटना आहे. ४ आॅगस्ट रोजी बारागाड्या कार्यक्रमात एका शाळकरी मुलीचा विनयभंग करण्यात आला. याप्रकरणी संशयित आरोपीला अटक करण्यात आली. मुलींच्या छेडछाडीच्या मोठ्या घटना घडत असल्याने याकडे पोलिसांनी लक्ष देण्याची मागणी ग्रामस्थांनी केली आहे. दामिनी पथकाने तीर्थपुरी येथे भेट देवूनही घटना कमी झाल्या नाहीत.