छत्रपती संभाजीनगर : पश्चिम आशियातील इंधन संकटाच्या पार्श्वभूमीवर तेल विपणन कंपन्यांनी प्रिमियम पेट्रोलच्या दरात वाढ केली. २० मार्चपासून ही दरवाढ लागू झाली असून, लिटरमागे १ रु. ९९ पैसे ते २ रुपये ८ पैशांपर्यंत वाढ करण्यात आली.
या दरवाढीचा परिणाम प्रमुख प्रिमियम इंधनांवर झाला आहे. भारत पेट्रोलियमचे ‘स्पीड’, हिंदुस्तान पेट्रोलियमचे ‘पॉवर’ आणि इंडियन ऑइलचे ‘एक्सपी-९५’ या प्रिमियम पेट्रोल प्रकारांच्या किमती वाढल्या आहेत.
आंतरराष्ट्रीय बाजारात कच्च्या तेलाच्या किमतीत झालेली वाढ आणि पश्चिम आशियातील तणावपूर्ण परिस्थिती यामुळे इंधन दरांवर दबाव निर्माण झाला आहे. त्याचा थेट परिणाम प्रिमियम पेट्रोलच्या दरवाढीतून दिसत आहे.
सामान्य पेट्रोलच्या तुलनेत प्रिमियम पेट्रोल आधीच महाग असल्याने ही वाढ ग्राहकांसाठी आर्थिक ताण वाढवणारी ठरत आहे. सर्वसामान्य पेट्रोल आणि डिझेलच्या दरात मात्र सध्या कोणताही बदल करण्यात आलेला नाही, अशी माहिती पेट्रोलियम डीलर्स असोसिएशनचे अध्यक्ष अखिल अब्बास यांनी दिली.
१० ते १५ टक्केच वाहनधारक घेतात प्रिमियम पेट्रोलएकूण पेट्रोल विक्रीच्या अवघी १० ते १५ टक्के विक्री प्रिमियम पेट्रोलची होते. पण बहुतांश वाहनधारक साधे पेट्रोल खरेदी करतात.- बर्झिन पेंटर, मालक, पेट्रोलपंप.
कोणत्या पेट्रोलियम कंपनीच्या प्रिमियम पेट्रोलमध्ये दरवाढ?कंपनीचे नाव पेट्रोल १९ मार्च (प्रतिलिटर) २० मार्च----- किती वाढ?भारत पेट्रोलियम --- स्पीड -- ११२.२० रु. -- ११४.२९ रु. ------२.०९ रु.हिंदुस्तान पेट्रोलियम-- पॉवर ९५-- ११२.९१--- ११४.९०-----१.९९इंडियन ऑइल--एक्सपी-९५---११२.१३---११४.२१ --------१.२८
Web Summary : Premium petrol prices in Chhatrapati Sambhajinagar rose due to fuel crisis, impacting brands like Speed and XP-95. Regular petrol prices remain unchanged. Only 10-15% of vehicle owners opt for premium fuel.
Web Summary : ईंधन संकट के कारण छत्रपति संभाजीनगर में प्रीमियम पेट्रोल की कीमतों में बढ़ोतरी हुई है, जिसका असर स्पीड और एक्सपी-95 जैसे ब्रांडों पर पड़ा है। सादे पेट्रोल की कीमतें अपरिवर्तित हैं। केवल 10-15% वाहन मालिक प्रीमियम ईंधन का विकल्प चुनते हैं।