(चौकट) ३७ जणांना नाही लढता येणार निवडणूक

पैठण तालुक्यातील प्रकार : निवडणुकीतील खर्चाचा तपशील सादर न करणे पडले महागात

------

ग्रा.पं. उमेदवारांना असा करता येतो खर्च

ग्रामपंचायत निवडणुकीत सदस्यांना किती खर्च करता येईल हे निवडणूक आयोगाने स्पष्ट केले आहे. त्यानुसार सात व नऊ सदस्य असलेल्या ग्रामपंचायतीत २५ हजारांची मर्यादा ठरवून दिली आहे. तर ११ ते १३ सदस्य असलेल्या ग्रामपंचायतीच्या प्रत्येक सदस्याला ३५ हजारांची खर्च मर्यादा देण्यात आली आहे. तसेच ज्या ग्रामपंचायतीची सदस्य संख्या १५ ते १७ आहे. अशा ठिकाणी निवडणूक कालावधीत उमेदवारांना ५० हजारापर्यंत खर्च करता येतो.

----------

निवडणूक खर्च सादर न करणाऱ्यांचे उमेदवारी अर्ज बाद

पाचवर्षांपूर्वी झालेल्या पैठण तालुक्यातील ग्रामपंचायत निवडणुकीत उमेदवारांनी निवडणूक खर्चाचा तपशील सादर केला नाही, अशा उमेदवारांना अपात्र घोषित करण्यात आले आहे. यंदाच्या निवडणुकीसाठी त्यांनी उमेदवारी दाखल केली. तर त्यांचा उमेदवारी अर्ज बाद करण्यात येईल.- चंद्रकांत शेळके, तहसीलदार.

-------

सहा वर्ष होईल निवडणुकीवर बंदी

ग्रामपंचायत निवडणुकीसाठी अर्ज दाखल केल्यापासून निकाल लागेपर्यंतचा सर्व खर्च विजयी व पराभूत उमेदवारांना देणे निवडणूक आयोगाने बंधनकारक केले आहे. कोणत्या बाबीसाठी किती खर्च झाला. याची सविस्तर माहिती देणे गरजेचे आहे. निवडणूक आयोगाच्या आदेशानुसार तीस दिवसांच्या आत खर्च देणे बंधनकारक आहे. उमेदवारांना निवडणूक खर्च जमा करण्यासंदर्भात सूचना दिल्या जात आहेत. दिलेल्या मुदतीत जर खर्चाचा तपशील जमा केला नाही. तर संबंधितांचे पद रद्द करण्यात येईल. पुढील सहा वर्षे निवडणूक लढविण्यास बंदी करण्यात येईल. म्हणून निवडणूक खर्चाबाबत उमेदवारांनी दक्ष राहावे, असे आवाहन तहसीलदार चंद्रकांत शेळके यांनी केले आहे.