वन कर्मचाऱ्याच्या खिशातील मोबाईल हिसकावून नेला

पोलिसांनी सांगितले की, तक्रारदार राजू काजळे हे ११ रोजी रात्री ७.३० वाजेच्या सुमारास घरासमोर रस्त्याने जात असताना त्यांच्या मागून आलेल्या दुचाकीस्वार चोरट्यांनी अचानक त्यांच्या खिशातील मोबाईल हिसकावून घेतला. यानंतर चोरटे पसार झाले.

-=========

विविध ठिकाणांहून चार दुचाकींची चोरी

औरंगाबाद : शहराच्या वेगवेगळ्या भागातून चोरट्यांनी ४ दुचाकी चोरून नेल्या. याप्रकरणी संबंधित पोलीस ठाण्यात वेगवेगळे गुन्हे दाखल करण्यात आले.

शताब्दीनगर येथील शेख मोहसीन अब्दुल करीम यांनी सहारा लॉनसमोर त्यांची दुचाकी (एमएच-२० डीएन २५८८) उभी केली होती. ही दुचाकी ८ डिसेंबर रोजी रात्री चोरट्यांनी चोरून नेली.

दुसऱ्या घटनेत जालना रोडवरील हॉटेल रामा इंटरनॅशनलसमोर अलोक नरेंद्र देसाई यांनी त्यांची मोटारसायकल (एमएच-२० एएन ७६५८) उभी केली होती. ही दुचाकी ९ डिसेंबरच्या रात्री चोरी झाली. देसाई यांनी सिडको ठाण्यात तक्रार नोंदविली.

तिसऱ्या घटनेत चोरट्यांनी संजय माणिकराव डोळस यांची मोटारसायकल (एमएच-२० ईए ८४६४) २२ नोव्हेंबर रोजी सकाळी टीव्ही सेंटर येथून चोरून नेली. संजय यांनी सिडको ठाण्यात तक्रार नोंदविली. चौथ्या घटनेत चोरट्यांनी आदित्यनगरात उभी असलेली मोटारसायकल (एमएच-२० बीएच २७११) चोरून नेली. याविषयी सौदागर फुलचंद कादे यांनी जवाहरनगर ठाण्यात तक्रार नोंदविली. हवालदार हिवाळे तपास करीत आहेत.

===========