फसवणूकप्रकरणी गुन्हा दाखल;

जालना : शहरातील रेल्चे स्टेशन भागातील रहिवाशी फुटबॉल असोसिएशनचे पदाधिकारी फेरोज अली मौलाना यांनी बुधवारी दुपारी विष घेवून आत्महत्या करण्याचा प्रयत्न

फेरोज अलींनी घेतले विष
जालना : शहरातील रेल्चे स्टेशन भागातील रहिवाशी फुटबॉल असोसिएशनचे पदाधिकारी फेरोज अली मौलाना यांनी बुधवारी दुपारी विष घेवून आत्महत्या करण्याचा प्रयत्न केल्याच्या घटनेने शहरात एकच खळबळ उडाली आहे.
फुटबॉल असोसिएशनच्या लेटरपॅडवर अध्यक्ष म्हणून लिहून त्याचा गैरवापर केल्या प्रकरणी माजी आ. कैलास गोरंट्याल यांच्या तक्रारीवरून ६ जुलै रोजी फेरोजअली शब्बीर अली मौलाना विरूद्ध कदीम जालना पोलिस ठाण्यात फसवणुकीचा गुन्हा दाखल करण्यात आला होता. याप्रकरणाचा तपास सुरू असतानाच बुधवारी दुपारी १ वाजेच्या सुमारास फेरोज अली यांनी आपल्या राहत्या घरी विषारी औषध घेवून आत्महत्या करण्याचा प्रयत्न केला. ही बाब परिवारातील सदस्यांच्या लक्षात येताच त्यांनी तातडीने त्यांना उपचारासाठी जिल्हा रूग्णालयात दाखल केले. मात्र त्यांची प्रकृती गंभीर झाल्याने त्यांना तेथून एका खाजगी रूग्णालयात हलविण्यात आले.
या प्रकरणी जिल्हा रूग्णालयातून आलेल्या एमएलसी वरून पोलिस ठाण्यात नोंद करण्यात आली आहे. फेरोज अली हे शुद्धीवर नसल्याने त्यांचा जबाब नोंदविता आला नसल्याचे सहायक पोलिस निरीक्षक गोकुल बुंदेले यांनी सांगितले.
दरम्यान, माजी आ. कैलास गोरंट्याल यांनी खोटा गुन्हा दाखल करून फेरोज अली मौलाना यांच्यावर दडपण आणत असल्याने त्यांनी विष घेतले. तसेच विष घेण्यापूर्वी लिहिलेल्या चिठ्ठीतही गोरंट्याल यांच्या नावाचा उल्लेख केला असल्याचा दावा त्यांच्या नातेवाईकांनी केला.
४यासंबधी माजी आ. कैलास गोरंट्याल यांच्याशी संपर्क सांधला असता, यासंबधी उद्या गुरूवारी पत्रकार परिषदेत सर्व माहिती देवू असे गोरंट्याल यांनी सांगितले.