छत्रपती संभाजीनगर: जिल्हा परिषद निवडणुकीच्या मतदानादरम्यान पैठणचे शिवसेना आमदार विलास भुमरे यांनी चक्क आपल्या लहान मुलासह मतदान केंद्रात प्रवेश करून नव्या वादाला जन्म दिला आहे. विशेष म्हणजे, भुमरे यांनी मुलाला केवळ मतदान यंत्राजवळ नेलेच नाही, तर तेथील कर्मचाऱ्याकडून मुलाच्या बोटाला शाईदेखील लावून घेतली. या धक्कादायक प्रकाराची गंभीर दखल घेत जिल्हाधिकारी दिलीप स्वामी यांनी चौकशीचे आदेश दिले असून केंद्राध्यक्षांसह संबंधित कर्मचाऱ्यांवर कारवाई करण्याचे संकेत दिले आहेत.
नेमका प्रकार काय? पाचोड जिल्हा परिषद गटात आमदार भुमरे यांचे चुलत बंधू शिवराज भुमरे निवडणूक लढवत आहेत. या गटात मतदानासाठी गेलेल्या विलास भुमरे यांनी आपल्या चिमुकल्या मुलाला सोबत नेले होते. मतदान करताना त्यांनी मुलाला ईव्हीएम मशीन जवळ उभे केले. त्यानंतर वडिलांच्या बोटाला शाई लावत असल्याचे पाहून मुलानेही बोट पुढे केले आणि तेथील महिला कर्मचाऱ्याने नियमांचे उल्लंघन करत मुलाला शाई लावली.
खासदार भुमरेंची 'अजब' प्रतिक्रियाया घटनेनंतर राजकीय वर्तुळातून टीका होत असताना, खासदार संदीपान भुमरे यांनी मात्र हात झटकले आहेत. "ते लहान लेकरू आहे, मी तिथे नव्हतो, मला याबद्दल काहीही माहिती नाही," अशी अजब प्रतिक्रिया त्यांनी दिली आहे. मात्र, निवडणूक आयोगातील अधिकाऱ्यांनी या प्रकाराची गंभीर दखल घेत जिल्हा प्रशासनाला जाब विचारला आहे.
कारवाईचा बडगा जिल्हाधिकारी दिलीप स्वामी म्हणाले की, "हा प्रकार अतिशय गंभीर आहे. मतदान केंद्रातील गोपनीयतेचा आणि नियमांचा भंग झाला आहे. या घटनेची पूर्ण चौकशी करून कारवाई केली जाईल."
Web Summary : MLA Vilas Bhumre sparked controversy by taking his son to an EVM during voting and getting ink applied to the child's finger. District Collector ordered an inquiry, vowing action for violating election rules. Sandipan Bhumre denied knowledge.
Web Summary : विधायक विलास भुमरे ने मतदान के दौरान अपने बेटे को ईवीएम के पास ले जाकर और बच्चे की उंगली पर स्याही लगवाकर विवाद खड़ा कर दिया। जिलाधिकारी ने जांच के आदेश दिए, चुनाव नियमों का उल्लंघन करने पर कार्रवाई का संकल्प लिया। संदीपान भुमरे ने जानकारी से इनकार किया।